Versets bíblics populars de 1 KORINTI 12

Comparteix

Sine a sompo-sompo mia pinoweeako mengkaa-Do Penaa gagi moikoado luwu.

Omiumo luwu koroi-Do i Kerisituu ka omiu singge mia parewa ngkoroi-Do.

Onaemo pu'uno tewala aasa parewa anu mompemahaki, luwuno parewa mpetonda mpompemahaki; tewala aasa parewa pinelangkai, luwuno parewa ntetonda mawongko.

Hangano a mia anu aasa Ondae Penaa moweeakono pompowee ka ipepauako ponto'ori anu mentee, ka a mia anu susua Ondae Penaa anu mengkena moweeakono pompowee ka ipepauako ponto'ori mompewowolo. A mia anu aasa Ondae Penaa anu mengkena moweeakono pompe'ala-ala, ka a mia anu susua Dopoweeakono pompowee ka ipompokotompa. A mia anu aasa Ondae Penaa moweeakono pabawa ka ipoweweu anu kinohali-haliako, ka a mia anu susua Dopoweeakono ka ipompau anu ta gagi, ka a mia anu susua mbo'u Dopoweeakono pompowee ka iponto'ori mosisalao mperupa-rupa penaa. A mia anu aasa Dopoweeakono pompowee ka ipepauako mperupa-rupa pau, ka a mia anu susua Dopoweeakono pompowee ka iponto'ori pauo pengkonaano mperupa-rupa pau atuu.

Sine luwuno andio Do'anggao Penaa anu aasa ka anu mengkena, anu moweeako ira pompowee a sompo-sompo mia anu tepakosi, kana anu inehe-Do.

ka si gagi teposisalaa a laro ngkoroi, sine ka domambe pekakaako luwuno parewa anu nteposisingge atuu.

Hinao mperupa-rupa pompowee, sine aasa koa Penaa. Ka hinao mperupa-rupa pompekakaako, sine Ondae i Ue aasa koa. Ka hinao mperupa-rupa wineweu kinohali-haliako, sine Ondae Ue Ala aasa koa anu umanggao luwuno a laro luwuno mia.

Ka Dopakosiomo Ue Ala ba opia mia a laro bawaa: ko'aasa gagi tinena, ko'orua gagi nabi, ko'otolu anu mompaguru. Ka i'amba ondae anu mpohawe pompowee ka dompoweweu anu kinohali-haliako, ka dompompokotompa, ka dompompekakaako, ka dompetewawa, ka dompepauako pau penaa.

Hangano koroi mbo'u komba butu aasa parewano, sine hadio parewano.

Tendeano luwuno parewa ngkoroi anu tengkita lalu molema, anu tedoa kinere.

Tewala asa ngkoroi onaemo mata, isuaomoke poronge? Tewala luwuno gagi biri, isuaomoke powoo? Sine Ondae Ue Ala moweeako iramo po'iangado nte'o'asa parewa a ngkoroi kana po'ehe-Do. Tewala luwuno onaemo aasa parewa, isuaomoke koroi?