Versets bíblics populars de मत्‍ती 21

Comparteix

और जो कछू तुम भरोसे के संग पिराथना में मांगौगे, तौ बू सब तुमें मिल जाबैगौ।”

ईसू नें बिनते कही, “मैं तुम लोगन ते सच कैहतूं। अगर तुम में भरोसौ होय और तुम सक नांय करौ, तौ तुम ना केबल बू करौगे जो मैं जा अंजीर के पेड़ के संग कर चुकौऊ, पर तुम जा पहाड ते कहौगे, ‘उठ और समुन्दर में गिर जा,’ तौ बू गिर जाबैगौ।

जो लोग ईसू के आगे-आगे जा रये हते और जो लोग वाके पीछे-पीछे आ रये हते बे सब लोग जि नारौ लगाय रहे हते, “दाऊद की सन्‍तान की स्तुति हो!” “धन्य है जो पिरभू के नाम ते आबतै!” “सुरग में परमेस्‍वर की स्तुति हो!”

ईसू नें बिनते कही, “जि लिखौ है, ‘मेरौ घर पिराथना कौ घर कहौ जाबैगौ,’ पर तुम लोगन्‍नें जाय ‘लुटेरेन कौ अड्‍डौ’ बनांय दियौ है।”

“सियोन नगर के लोगन ते कहौ, ‘देख! तेरौ राजा तेरे जौरै आ रयौ है, बू बिनम्र हैं, बू गधी के बच्‍चा पै सबार हैं।’”

ईसू ने उनते कही, “का तुम लोगन्‍नें पबित्र सास्त्र कौ बू वचन कबऊ नांय पढ़ौ, “ ‘राज मिस्त्रीन नें जा पत्‍थर कूं बेकार समझकें निकार दयौ हतो, बेई कोने कौ पत्‍थर बन गयौ। जि पिरभू कौ काम है और जि हमारी निगाह में भौत अच्‍छौ है’?

“जामारै मैं तुम लोगन ते कैहतूं, परमेस्‍वर कौ राज तुम पैते छीन लयौ जाबैगौ और बू बिन लोगन कूं दै दयौ जाबैगौ, जो अच्‍छौ फल पैदा करिंगे।