Versets bíblics populars de Maraka 13

Comparteix

Konaŋ kiri ra na ábɛɛ bikwɔ arì sun, míŋ tɔ ki bira. Nka, a konwɔtiŋ na a sunfuru, ntiŋ i so ǹʼdaŋ ki ra, Kirinŋ a nintiŋ mwu. »

Á á ɲakili tu á yɛri ra, á i tu á ɲaanna, sabu ábɛɛ ǹʼwaaci ki tɔ-a kì.

Kí ja na ábɛɛ pa tiri kitikwurutɔnŋ kiri tɛ, á fa na á ciirufɔni niŋ jɛŋ kì, á fa ǹʼbi tu ábɛɛ ra na ta nfɛnŋ bi kì. Nka a Kirinŋ ta wulu wɔ̀ wɔri ábɛɛ tɛ, á niŋ bi, sabu niŋ a na po ábɛɛ yɛrima kiri ru kì, Ɲiniwɔlinŋ ki ra na niŋ bi de ábɛɛ daru.

Kirinpɔli ki fa pwɔkulinŋ kiri ra na fwuude, nka nwɔ̀ i mɔ́ɔ́n wulu ki i, niŋ a fwuude fɛsɛfɛsɛ kì. »

Yesu tu sɛbɛ : « Nwɔ̀ i niŋ jibi, walima niŋ ma waari ki bi ki i, hali kirinpɔlila mɛlɛkɛn kiri fa Koŋ Danshuru ki niŋ tɔ-a kì, duu Tiŋ Kirinŋ tenŋ pe.

Ábɛɛ a na kari tan wulu kiri rama-ni á tonfan niŋ fa mani narimaŋ kiri ru, á fa na á ɲakili ɲaanmi kì, sabu niŋ kakan-i niŋ i ma, nka niŋ a na ji juniɲa ki kɔ ki i sun kì.

Niŋ ki ra, á tu a ɲaanna, sabu ábɛɛ futiŋ ki na waaci ki tɔ-a kì. Ntiŋ a so na-i bilana, walima cii wɔkila ru, walima ɲandanbulu sun, walima siira. A ntiŋ na ji bali na finŋ i, ntiŋ fa na fa ábɛɛ wu ɲinintan-a kì. Míŋ i nwɔ̀ bi-a ábɛɛ tɛ kaa, míŋ i ǹʼbi-a koŋ bataa tɛ. Á tu á ɲaanna. »

Shiya ki bɛɛ ra na jɔrɔkɔ ǹʼtɔri cɛfan, kí i arìmaŋ kari-ri, kɛniŋ fa kɛniŋ i bo arìmaŋ na, fwuniŋ sɛrɛsɛri ki fa bɛɛ i ji mani mwɔɔnna nu. Niŋ bi kiri ra na ji cɔɔri bi kiri tɔnpa ki i, miŋ tu mari wɔ daŋ ji ciiyaa tɔnpamaanna.

Kirinŋ wɔ Wulujii ki kakan-i ŋì i so shiya kiri bataa sun bi ki bataa jɛŋ.

Koŋ mwɔɔnna a na na, kí i míŋ tɔ ye arì yɛri ra, tu arìbɛɛ Kirinŋ Ɲaannakonshimaan ki i, kí a na koŋ mwɔɔnna sunnɛɛn fɔni.

Nwɔ̀ i ábɛɛ, á á yɛri cɔye, sabu konaŋ kiri ra na ábɛɛ pa tiri-ri kitikwurutɔnŋ kiri tɛ. Kí a na ábɛɛ bwɔ Yawutu kiri wɔ kalinfu kiri ru. Kí i tiri-ri á wu faantiŋ ni fa masa ri tɛ, míŋ tɔ ki bira. Niŋ a na saa wɔri ábɛɛ tɛ, á i míŋ wulu bi nini tɛ.

Sabu purubitɔnŋ ni a na jɔrɔkɔ, kí i ǹʼbi-ri tu arìbɛɛ Kirinŋ Ɲaannakonshimaan ki i, cintɔnŋ purubitiiri i na jɔrɔkɔ sɛbɛ, nini i taanmashɛ ri fa kabakobi ri ma-ni, nwɔma a ǹʼji-a so ma-i, arì i Kirinŋ ɲaannatɔnŋ kiri sunnɛɛn.

« Nka niŋ jibi kiri ra, ka cɔɔri ka fwuudemaan ki kɔɔtɛ, sunŋ ki a na sarinŋ po kili kì, ɲɛ ki a na sarinŋ po sɛbɛ kì. Sɔrɔniŋ kiri ra na saa yiri-ri kirina, yìrì i na fɛɛn fɛɛn-ni, kirinpɔlila sotinbi kiri i sɛrɛsɛri.