Versets bíblics populars de मति 28

Comparteix

याबे तोहरा जाके जम्‍मे जतियाक मन्‍सावानिके चेला बनोइह। तोहरा पिता, पुतर हसे पवितर-आत्‍माक नाउँमा हुनुकाके बप्‍तिस्‍मा दिह, हसे मुइ तोहराके देलि जम्‍मे आग्या हुनुकाके पालन करेके सिखोइह। हेरह, मुइ संसारक वराटि दिनवालइ तोहारसाङे रहबहिँ।”

तब येसुजि हुनुकर लघिना याके कहलसि, “हेरह, स्‍वरग हसे धरतियाक जम्‍मे अधिकार मोरके दियाइल बडइ।

बाकि स्‍वरगदुतवा उअ जनिनियासभके कहलिय, “झिन डेराह, मोर थाह बडइ, तोहरा क्रुसवामा टाङके मारलि येसुजिके खोजइ बडह। येसुजि यहवाँ हइने बडसि, हुनेक कहलि नहिँया हुने जिउतल बडसि। तोहरा याके हुनेक देहिया धरलि ठउरिया हेरह न!

तब येसुजि हुनुकाके कहलसि, “झिन डेराह, तोहरा जाके मोर चेलवानिके गालिलमा जायके कहदिह। हुनुका मोरके वहवाँहिँ देखतइ।”

तब मुख्‍य पुजेरियाह मन्‍सावानिक यगुवावानिसाङे जामा भके सल्‍लाह करलइ। वकरपाछा हुनुका सिपहियवानिके बहुत पइसा देके, “हमरा ‘राति निनाइखुनि येसुजिक चेलवाह याके वकर देहिया चोराके लिगलइ’ कहदिह कहके कहे लगोलइ, यगर इअ बतवा रोमि बडकि हकिमवा सुनबिय, हमरा वकरसाङे बात मिलोबहुँ हसे तोहार कथियो गारह नाहिँ हतइ।” उअ सिपहियावाह पइसा लेके मुख्‍य पुजेरियानि सिखोलि नहिँया कहलइ। इअ बतवा यहुदियानिक बिचा याजुलइ कहाइ बडइ।