Versets bíblics populars de मति 24

Comparteix

“पाप बढलेसे बहुत जनक प्रेम जुड हतइ। बाकि जुने याखिरलइ सहसान रखबिय उअ उद्धार पउबिय।

परमेस्‍वरक राजक इअ सुसमाचार संसार भर जम्‍मे जतियाक मन्‍सावानिके गवाहिक रुपमा परचार करेतइ हसे वकरपाछा संसारक वराट हतइ।

“जब तोहरा लडाइ भेल हसे लडाइक हाला सुनबह, तब तोहरा झिन डेरइह। इअ घटनासभ हखहि परतइ, बाकि तखनहिँ वइघरहिँ संसारक वराट नाहिँ हतइ।

केहकेकि जाति-जातिक विरोधमा हसे राज-राजक विरोधमा उठतइ। ठउरि-ठउरिमा यनिकाल परतइ हसे भुइचाल जेतइ। बाकि इअ जम्‍मे बतवा एगुडा जनियानिक हलुकाइखुनिक सुरुक दुःखक नहिँया हखइ।

स्‍वरग हसे धरतिया बितके जेतइ, बाकि मोर कहलि वचनसभ कबहुँ फेनि नाहिँ बिततइ।

केहकेकि बहुत जन मोर नाउँमा ‘मोहिँ मुक्‍ति देलाहर ख्रिस्‍ट हखहि’ कहते यतइ हसे बहुत मन्‍सेसभके धोखा देतइ।

“तखनहिँ मन्‍सावाह तोहराके पकडतइ, सतोतइ हसे मारतइ। तोहरा मोरके विस्‍वास करलेसे जम्‍मे जतियाक मन्‍सावाह तोहराके घिना करतइ। “तब बहुत जन यापन विस्‍वाससे पाछा हटतइ। हुनुका एक-दोसरि जनके धोखा देतइ हसे घिना करतइ। हसे बहुत जन झुठा अगमवक्‍तासभ याके बहुत जनके धोखा देतइ।

येसुजि जवाफ देते कहलसि, “हुसियारसे रहिह! कुनहुँ फेनि तोहराके झिन झुकोइ।

उहेसे तोहरा तयार रहे परतइ, केहकेकि मुइ मन्‍सेक पुतर तोहार हइने सोचलि जुनवामा यबहिँ।

“उहेसे तोहरा चेतले रहिह, केहकेकि प्रभुजि कुन दिन यबसि कहके तोहार थाह हइने बडइ।

“बाकि उअ दिन कि जुनवाक बारेमा ककरहुँके फेनि थाह हइने बडइ। न त स्‍वरगदुतवानिके, न मुइ पुतरके, बाकि परमेस्‍वर पिताक मतरे थाह बडइ।

केहकेकि झुठा ख्रिस्‍टसभ हसे झुठा अगमवक्‍तासभ देखा परतइ। हुनुका जबड-जबड चिन्‍हा हसे यचम्‍मक काम देखोतइ तके सकभर परमेस्‍वरक छानलि मन्‍सावानिके फेनि झुकोतइ।

मुइ मन्‍सेक पुतर यवइकि नोहाक समयमा भेल नहिँया हतइ। केहकेकि जसने दाहा यइलिसे यागा, नोहा पनिया-जहजवा भितरा पेसइलइ, मन्‍सावाह खइते-पियते हसे बियाह-बारि करते रहलइ। हसे दहवाक पनिया याके जम्‍मे जनके नास हइने करइलइ, इअ कथि हखइ बडइ कहके हुनुकर थाह हइने भेलइ। मुइ मन्‍सेक पुतर यवइकि फेनि वसने हतइ।