Versets bíblics populars de ປະຖົມມະການ 27

Comparteix

ຂໍ​ພຣະເຈົ້າ​ໃຫ້​ນ້ຳຄ້າງ​ຈາກ​ສະຫວັນ ແລະ ຄວາມ​ຮັ່ງມີ​ເທິງ​ແຜ່ນດິນໂລກ ຄວາມອຸດົມສົມບູນ​ດ້ວຍ​ເມັດພືດ ແລະ ເຫລົ້າອະງຸ່ນ​ໃໝ່​ແກ່​ເຈົ້າ. ຂໍ​ໃຫ້​ຊົນຊາດ​ທັງຫລາຍ​ຮັບໃຊ້​ເຈົ້າ ແລະ ປະຊາຊົນ​ທັງຫລາຍ​ກົ້ມ​ຄຳນັບ​ເຈົ້າ. ຈົ່ງ​ເປັນ​ນາຍ​ເໜືອ​ພີ່ນ້ອງ​ຂອງ​ເຈົ້າ, ຂໍ​ໃຫ້​ບັນດາ​ລູກຊາຍ​ຂອງ​ແມ່​ເຈົ້າ​ກົ້ມ​ຄຳນັບ​ເຈົ້າ. ຂໍ​ໃຫ້​ບັນດາ​ຄົນ​ທີ່​ສາບແຊ່ງ​ເຈົ້າ​ຖືກ​ສາບແຊ່ງ ແລະ ໃຫ້​ບັນດາ​ຄົນ​ທີ່​ອວຍພອນ​ເຈົ້າ​ໄດ້​ຮັບ​ພອນ”.

ເອຊາວ​ເວົ້າ​ວ່າ, “ທີ່​ລາວ​ມີ​ຊື່​ວ່າ​ຢາໂຄບ​ກໍ​ຖືກ​ແລ້ວ​ບໍ່​ແມ່ນ​ບໍ? ນີ້​ເປັນ​ເທື່ອ​ທີ​ສອງ​ທີ່​ລາວ​ໄດ້​ເອົາ​ປຽບ​ລູກ: ລາວ​ໄດ້​ເອົາ​ສິດ​ລູກກົກ​ຂອງ​ລູກ​ໄປ ແລະ ຄັ້ງ​ນີ້​ລາວ​ກໍ​ໄດ້​ເອົາ​ພອນ​ຂອງ​ລູກ​ໄປ!” ແລ້ວ​ລາວ​ຈຶ່ງ​ໄດ້​ຖາມ​ວ່າ, “ພໍ່​ບໍ່​ໄດ້​ຮັກສາ​ພອນ​ໃດ​ໄວ້​ໃຫ້​ລູກ​ແດ່​ບໍ?”

ອີຊາກ​ພໍ່​ຂອງ​ລາວ​ໄດ້​ຕອບ​ວ່າ, “ບ່ອນ​ອາໄສ​ຂອງ​ເຈົ້າ​ຈະ​ຢູ່​ຫ່າງໄກ ຈາກ​ຄວາມ​ຮັ່ງມີ​ຂອງ​ແຜ່ນດິນໂລກ, ຈາກ​ນ້ຳຄ້າງ​ແຫ່ງ​ສະຫວັນ​ເບື້ອງ​ເທິງ. ເຈົ້າ​ຈະ​ດຳເນີນຊີວິດ​ຢູ່​ດ້ວຍ​ດາບ ແລະ ເຈົ້າ​ຈະ​ຮັບໃຊ້​ນ້ອງ​ຂອງ​ເຈົ້າ. ແຕ່​ເມື່ອ​ເຈົ້າ​ທົນ​ບໍ່​ໄດ້, ເຈົ້າ​ຈະ​ຖິ້ມ​ແອກ​ຂອງ​ລາວ​ອອກ ຈາກ​ຄໍ​ຂອງ​ເຈົ້າ”.

ເອຊາວ​ໄດ້​ກ່າວ​ກັບ​ພໍ່​ອີກ​ວ່າ, “ພໍ່​ເອີຍ, ພໍ່​ມີ​ພຽງ​ແຕ່​ພອນ​ດຽວ​ເທົ່ານັ້ນ​ບໍ? ຂໍ​ອວຍພອນ​ລູກ​ດ້ວຍ!” ແລ້ວ​ເອຊາວ​ກໍ​ຮ້ອງໄຫ້​ສຽງ​ດັງ.