Versets bíblics populars de ປະຖົມມະການ 24

Comparteix

ແລ້ວ​ລາວ​ໄດ້​ອະທິຖານ​ວ່າ, “ຂ້າ​ແດ່​ພຣະເຈົ້າ​ຢາເວ​ຂອງ​ອັບຣາຮາມ​ນາຍ​ຂອງ​ຂ້ານ້ອຍ, ຂໍ​ໃຫ້​ຄວາມ​ສຳເລັດ​ແກ່​ຂ້ານ້ອຍ​ໃນ​ວັນ​ນີ້​ດ້ວຍ ແລະ ຂໍ​ສະແດງ​ຄວາມ​ເມດຕາ​ຕໍ່​ອັບຣາຮາມ​ນາຍ​ຂອງ​ຂ້ານ້ອຍ​ດ້ວຍ.

ຂໍ​ໃຫ້​ເປັນ​ດັ່ງນີ້ ຄື​ເມື່ອ​ຂ້ານ້ອຍ​ເວົ້າ​ກັບ​ຍິງ​ສາວ​ວ່າ, ‘ຂໍ​ຈົ່ງ​ປົງ​ໄຫ​ນ້ຳ​ຂອງ​ນາງ​ລົງ​ເພື່ອ​ຂ້ອຍ​ຈະ​ໄດ້​ດື່ມນ້ຳ,’ ແລ້ວ​ນາງ​ຕອບ​ວ່າ, ‘ເຊີນ​ດື່ມ ແລະ ຂ້ອຍ​ຈະ​ຕັກ​ນ້ຳ​ໃຫ້​ອູດ​ຂອງ​ທ່ານ​ດ້ວຍ’ ກໍ​ຂໍ​ໃຫ້​ຖື​ວ່າ​ນາງ​ນັ້ນ​ເປັນ​ຜູ້​ທີ່​ພຣະອົງ​ໄດ້​ເລືອກ​ໄວ້​ໃຫ້​ອີຊາກ​ຜູ້ຮັບໃຊ້​ຂອງ​ພຣະອົງ. ໂດຍ​ສິ່ງ​ນີ້ ຂ້ານ້ອຍ​ກໍ​ຈະ​ຮູ້​ວ່າ​ພຣະອົງ​ໄດ້​ສະແດງ​ຄວາມ​ເມດຕາ​ຕໍ່​ນາຍ​ຂອງ​ຂ້ານ້ອຍ​ແລ້ວ”.

ອີຊາກ​ກໍ​ໄດ້​ນຳ​ເຣເບກາ​ເຂົ້າ​ໄປ​ໃນ​ເຕັນ​ຂອງ​ຊາຣາ​ແມ່​ຂອງ​ເພິ່ນ ແລະ ເພິ່ນ​ກໍ​ແຕ່ງງານ​ກັບ​ເຣເບກາ. ດັ່ງນັ້ນ ນາງ​ຈຶ່ງ​ກາຍເປັນ​ເມຍ​ຂອງ​ເພິ່ນ ແລະ ເພິ່ນ​ກໍ​ຮັກ​ນາງ; ແລະ ອີຊາກ​ກໍ​ໄດ້​ຮັບ​ການ​ເລົ້າໂລມໃຈ​ຫລັງຈາກ​ທີ່​ແມ່​ຂອງ​ເພິ່ນ​ໄດ້​ຕາຍ​ໄປ.

ແລະ ພວກເຂົາ​ກໍ​ໄດ້​ອວຍພອນ​ເຣເບກາ ແລະ ເວົ້າ​ກັບ​ນາງ​ວ່າ, “ນ້ອງສາວ​ຂອງ​ພວກເຮົາ, ຂໍ​ໃຫ້​ລູກ​ຫລານ​ຂອງ​ເຈົ້າ​ທະວີ​ຂຶ້ນ ເປັນ​ແສນ​ເປັນ​ລ້ານ; ຂໍ​ໃຫ້​ເຊື້ອສາຍ​ຂອງ​ເຈົ້າ​ຄອບຄອງ ເມືອງ​ຕ່າງໆ​ຂອງ​ບັນດາ​ສັດຕູ​ຂອງ​ພວກເຂົາ”.

ເຮົາ​ຢາກ​ໃຫ້​ເຈົ້າ​ປະຕິຍານ​ຕໍ່​ພຣະເຈົ້າ​ຢາເວ, ພຣະເຈົ້າ​ແຫ່ງ​ສະຫວັນ ແລະ ພຣະເຈົ້າ​ແຫ່ງ​ໂລກ​ວ່າ, ເຈົ້າ​ຈະ​ບໍ່​ຫາ​ເມຍ​ໃຫ້​ລູກຊາຍ​ຂອງ​ເຮົາ​ຈາກ​ລູກສາວ​ຂອງ​ຊາວການາອານ ທ່າມກາງ​ຜູ້​ທີ່​ເຮົາ​ອາໄສ​ຢູ່​ນີ້, ແຕ່​ຈະ​ໄປ​ຍັງ​ບ້ານເກີດ ແລະ ຍາດພີ່ນ້ອງ​ຂອງ​ເຮົາ​ເອງ ແລະ ຫາ​ເມຍ​ໃຫ້​ອີຊາກ​ລູກຊາຍ​ຂອງ​ເຮົາ”.