Versets bíblics populars de ປະຖົມມະການ 18

Comparteix

ມີ​ສິ່ງໃດ​ແດ່​ຍາກ​ເກີນໄປ​ສຳລັບ​ພຣະເຈົ້າ​ຢາເວ​ບໍ? ເຮົາ​ຈະ​ກັບ​ມາ​ຫາ​ເຈົ້າ​ຕາມ​ເວລາ​ທີ່​ໄດ້​ກຳນົດ​ໄວ້​ໃນ​ປີ​ໜ້າ ແລະ ນາງ​ຊາຣາ​ຈະ​ເກີດ​ລູກຊາຍ”.

ດັ່ງນັ້ນ ນາງ​ຊາຣາ​ຈຶ່ງ​ຫົວຂວັນ​ຕົນ​ເອງ​ຂະນະ​ທີ່​ຄິດ​ຢູ່​ໃນ​ໃຈ​ວ່າ, “ຂ້ອຍ​ກໍ​ໝົດ​ແຮງ​ແລ້ວ ແລະ ນາຍ​ຂອງ​ຂ້ອຍ​ກໍ​ເຖົ້າແກ່​ແລ້ວ, ບັດນີ້ ຂ້ອຍ​ຈະ​ຍັງ​ມີ​ຄວາມຍິນດີ​ໃນ​ເລື່ອງ​ນີ້​ຢູ່​ບໍ?”

ອັບຣາຮາມ​ຈະ​ກາຍເປັນ​ຊົນຊາດ​ທີ່​ຍິ່ງໃຫຍ່ ແລະ ເຕັມ​ດ້ວຍ​ອຳນາດ​ຢ່າງ​ແນ່ນອນ ແລະ ທຸກ​ຊົນຊາດ​ທົ່ວໂລກ​ຈະ​ໄດ້​ຮັບ​ພອນ​ຜ່ານ​ທາງ​ລາວ.

ແລ້ວ​ອັບຣາຮາມ​ກໍ​ຫຍັບ​ເຂົ້າ​ໄປ​ຫາ​ພຣະອົງ ແລະ ເວົ້າ​ວ່າ, “ພຣະອົງ​ຈະ​ກວາດລ້າງ​ຄົນຊອບທຳ​ໄປ​ພ້ອມ​ກັບ​ຄົນຊົ່ວ​ບໍ? ພຣະອົງ​ຈະ​ເຮັດ​ຢ່າງໃດ​ຖ້າ​ຫາກ​ວ່າ​ມີ​ຄົນຊອບທຳ​ຫ້າສິບ​ຄົນ​ໃນ​ເມືອງ​ນັ້ນ? ພຣະອົງ​ຈະ​ກວາດລ້າງ​ເມືອງ​ນັ້ນ​ແທ້​ບໍ ແລະ ບໍ່​ລະເວັ້ນ​ສະຖານທີ່​ນັ້ນ​ເພື່ອ​ເຫັນ​ແກ່​ຄົນຊອບທຳ​ຫ້າສິບ​ຄົນ​ທີ່​ຢູ່​ໃນ​ເມືອງ​ນັ້ນ​ບໍ?

ພຣະເຈົ້າ​ຢາເວ​ໄດ້​ກ່າວ​ວ່າ, “ຖ້າ​ເຮົາ​ພົບ​ຄົນຊອບທຳ​ຫ້າສິບ​ຄົນ​ໃນ​ເມືອງ​ໂຊໂດມ, ເຮົາ​ຈະ​ລະເວັ້ນ​ສະຖານທີ່​ທັງໝົດ​ໄວ້​ເພາະ​ເຫັນ​ແກ່​ພວກເຂົາ”.