Versets bíblics populars de EPH 6

Comparteix

Ai, kit waando sem ma tǝna ɓǝsǝ ma maabiri ma monma wa ra, pa ndǝn kong ma wis nsaamese u a liuta wa, ma ɓaa ɓǝn tomsǝ kuɓsutu ɓa, ma ɓaa ɓǝsǝ ma kwangto ɓa, ma ɓaa kwangto kuɓsutu u kare teptep ya yǝsǝ a nema ɓosa ya wa.

Sǝ tomma kǝna Kaa wa nfee ma lau Wiso wa, ma nsaad nkamǝra kǝnara ra. Ma mbusǝsa a senda saa, sǝ nhii nwaa ɓong, ɗǝm nfee sǝ faɗ wiiyo ma tom kǝnara a ɗuura ɓet bǝɗ Kaa ɓa wa nsaad.

Sǝ ka nɗera saa ma nsaad mbu kong kisa u Kaa wa, me sǝ nkaa sǝ nǝɗ kwakwa a fer Shaitan kiyǝ sǝn wo ma ɗǝta kito usu wa ya.

Me maaso, sǝ ka nɗera saa ma nsaad mbu kong kisa u Kaa ɓa wa, me sǝ nkaa sǝ nǝɗ kwakwa, ɗǝm a ndiira sǝ feɗsǝ sǝko mbu kito ɓa nsaad wa, ɓaa sǝ ntee kǝɗ.

Maaso ɗǝm, sǝ too naɓongtǝra wa, yǝ kaɗ nga mbu ngwel kito waaso ɓa, u kǝsaa nkaa saa ngwel nsaad taute ara u Shaitan ya wa. Sǝ tung kukǝra taasa ra, kukǝra sǝsa ndǝ siso konnkweera wa, ɗǝm sǝ too songgom u Wis Ɗekɗek wa, songgom siso ndǝ mara Kaa ra.

Me maaso sǝ nǝɗ kwakwa, sǝ too ɓongtǝra sǝ ka nɗera saa ma siso nga kur ka nɗera ra, ɗǝm sǝ tung luktu ngwel kito wa, luktu siso, ǝn siso tom mbu yǝsǝ keke a wiiyo a Kaa ni ɓa. Werko me a ko ma mara kwalari u hurhurto wa, yǝ tom a natsa sǝsaa nga taa.

Mara na a feɗefeɗe ra ǝn siso, sǝ tom kokrok a Ankundi Yeso ni, ɗǝm a kwangto kokrokto usu wa.

U nwa ǝn siso mbu Kaa yǝ nkeesǝ me aa tom ɓa wa, ǝn mbu ntiiri ɓaa tǝmbasǝ ma waa wa me, “Aa na mbarta paange ma maange me ngǝ taa kaɗɗo kwalari wa, ɗǝm ngǝ tǝr falang a put taandi wa.”

Saase emba, sǝ na mbarta wiina ɓǝsaa me Ankundi, me ndǝ siso mbu pamsǝ keke ɓa.