Versets bíblics populars de 2 Korantiyawa 5

Comparteix

Me maaso, me ete yǝ ma lau Almaseho wa, yǝ kang nfiinfiira tene ran, meeta mbusa ta nsaad ɓǝ talǝn, waso mbusa kanggan nfiinfii.

Almaseho yǝ pǝta tom tenatenato wa ra, pa a ɗuura ndaa, Kaa yǝ kangsǝsǝ nga yaa yǝsǝ ma tenatenato ya. Ndǝ siso mbu kwaasǝ ma lau Almaseho wa, kǝtǝ kang ɓaa ɓǝn tom mbu yǝsǝ keke a wiiyo a Kaa ni ɓa.

Ndǝn tom kaɗɗo ma lau mbu ndǝ nasǝ ɓongtǝra ɓa, ɗǝm sem ma lau mbu ndǝn wǝrsǝ ɓa ra.

Nsaad mbu sǝsa fiɗ a Kaa ni, yaa yǝ sǝksǝ ɗaaso waando ma sase ma lau Almaseho wa, ɗǝm yǝ natǝ tinima u sǝk ɗaaso ɓeta ma Kaa wa. Mara ta ǝn siso, Kaa yǝn sǝk ɗaaso ete ete wa ma sase ma lau Almaseho wa, ɗǝm yǝ senggaa tenatenato ɓoso a ɗuura ɓora ra. Kaa ɗǝm yǝ natǝ tinima u sǝk ɗaaso ete ete wa ma sase.

Me maaso, taase tǝn ɓan timma u Almaseho wa, nga Kaa sase ma nkweera ira yǝn kansǝ ma lau waato wa. A ɗǝnda Almaseho ra, tǝn kǝnasǝ, sǝ lee Kaa yǝ sǝk ɗaaso waaso ma sase.

Ɗǝm ndǝ sase yǝ woɗsǝ a ɗuura ɓeta nsaad wa, me ɓaa ɓǝsǝ ma huurtu ɓa, sem me ɓǝ tom kaɗɗo ɓoso nga ɓǝn yausǝn yau wa ɗǝm ra, pa me ɓǝ tom kaɗɗo ɓoso men yaa yǝ woɗsǝ a ɗuura ɓora ya, ɗǝm ɓaa niksǝ men ndǝ ɓosa. Me maaso, aa wo aa wiiyo wa, tǝ ɓaarǝ tǝ sengge yaake a ɗǝɗa ete ete yǝn senggesǝ wa ra, hana ka tǝ pǝta sengge Almaseho wan a ɗǝɗa ete ete yǝn senggesǝ wa, pa waso tǝ ɓaarǝ tǝ sen ma sase maaso ɗǝm ra.

Tǝ tom maaso me, yauta u Almaseho ta, ǝn sase yǝn titǝsǝ tǝ tom mbu sǝsa wa, me tǝ wee na ɓongtǝra wan me, Almaseho yǝ woɗɗa a ɗuura ɓeta ra nsaad, me maaso, nsaad ɓǝ woɗ ke ma sase.