Versets bíblics populars de Pag-ighit 12

Comparteix

“Sa ati pag yabi, lumawuy aku sa Ihiptu ag matyun niku ti tanan panganay pag anak lalaki manga Ihipsiyu hanggan ti lalaki pag panganay nida hayup. Parusahan niku ti tanan diyus Ihiptu. Aku ti PANGINUUN. Ti dugu ipinayid niyu sa bakalan sabian imaw ti tanda kamu magpangulian ati pag balay. Nu makitan niku ti dugu, lawyan lang niku kanyu balay, nakan unman may sarut rumas-ug sa kanyu nu parusahan niku ti manga taga Ihiptu.

“Kailangan kanyu tandaan inda pag sirang hanggan aban. Idaus niyu inda timpu-timpu bilang pista pagkilala sa kangku. Inda pag surundanun kanyu sundun tugka sa sunud pag manga sinulput tawu.

Nu mamaingana kanyu manga anak kuntay hintay kay ibug sabihun inda pag patayak layi, kanyu isagut: ‘Inda Pista Pag-alaala sa Karibrihan bilang pagkilala sa PANGINUUN, dahil linawyan lang niya ti manga balay Israilita sa Ihiptu katpung minatay niya ti panganay anak lalaki manga Ihipsiyu.’ ” Pagkatapus bagaw ni Muysis, linmuhud ti manga Israilita ag nagsamba sa PANGINUUN.