Versets bíblics populars de Romye 8

Comparteix

Hɨm leyəm atɨ a vor nagi ndo sə kat, Həmɨnpwa a dɨ ɗa lyentɨ fyemtə gə le darən tən myee dɨ mworən, a myee mya watɨrən a vorsa nda kana ɓa ɗa.

Gə mbak-mbak hɨn mwaka sate atɨ taa asə də ɓa takam ka mwoha dan. Nagi wo, nagi myenti, nagi malyeni, nagi pɨle, nagi a nzatɨnə, nagi a nzate ɓaga shi. Nagi itɨ gəti, nagi gaarə a fintɨ pwa, nagi ganə a vɨratə. Taa asə də a vor vɨratə a ɓa mba takatə a takam ka mwote Həmɨnpwa a mworəm, a wule mwoha mya ɗɨməm dɨ haka Yesu Ma Həmɨnpwa a Yaɓwarən ndi Həmɨmiye dam.

Sə mgban Pitɨ Ɗəmɗəmtə a dɨ gwadəm gə taa mbarəti kam, hɨm aa leyəm ɗate kana hɨm a ɗam hiwtə, shezə Pitɨngɨn ka nənəngrə nə dɨ gwadəm dɨ nyisə Həmɨnpwa gə le dam ka 'yesəwtə ka wule kormye ɓwaara aa dɨ mbarən a boyo.

Ɓə a shiya mya sam ka lana? Anda Həmɨnpwa nee ɓwaa kam, wonə ma ɓa mwamdiya a kanggəm?

Gə-angɨn taayə ɓashitɨ wo a nə myee nza sɨtɨ Yesu Ma Həmɨnpwa a Yaɓwarən

Ma ɗɨkdə ɗyangale dan kat a nə kadawo sɨtə, kpawsən nə we. Ma mgban ɗyangale dan a kangə nə sa Pitə a dɨ mwo, kpawsən nə ɗɨm myentə ka nzaa ɗoltə.

Ə'ə, kat ka shi hashingɨn, hɨm pɨrgə myee kɨt ne dɨ hakan ndi ma mworəm.

Hɨn leyə mbak-mbak atɨ wule tənəte mya gəmə vorsə ɓəgəng, myaa dɨ kanatɨrə ka wule fukate mya və miye a humwa.

Ɓə mɨnə ɓa mbam a takam ka mwote Ma Həmɨnpwa a Yaɓwarən a mworəm? Otɨ nzaa vɨrangnə nə ma? Tənəti? Tənədəha? Myati? Poriti? Shi hashi vɨrangnə nə ma? Naasə mgban wo ma?

Həmɨnpwa a dɨ pyel vor hubo ɓwaare kat, ɓə lee wule ɗyangale da Pitə gəkɨlə Pitɨngɨn a dɨ nyisə ɓətɨya Həmɨnpwa a dɨ mwo a nə myee nda vomiyərən.

Gəkɨlə myee Pita Həmɨnpwa a dɨ koɗə kaarən, tənə je da Həmɨnpwa.

Wule myee dɨ koddə kadawo sɨtə, tənə myee ɗyangale darən a kangə nə sa kadawo sɨtə a dɨ mwo. Shezə tən myee dɨ koddə Pitə, ɗyangale darən nee kangə nə sa Pitə a dɨ mwo.

Həmɨnpwa aa kərdə Nzəngɨn Yesu, nda vədən gə le dam kat. Gə-angɨn ndaa dɨ hasə kam, ndi ɓa və miye shee kat.

Pita Həmɨnpwa ka hɨnggəm takale atɨ hɨm nə je da Həmɨnpwa. Sə mgban gə hɨm nə je dan, hɨm nə ɓa mɨnə shee nda bwe ləngrən ɓwaa ka Ma Həmɨnpwa a Yaɓwarən, hɨm kana gəm ɓwaa kan a vor tənətɨ dan sə mgban hɨm ɓa gəm ɓwaa kan a vor fukatɨ dan.

Ma ɗyangale dan a kangə nə kadawo sɨtə, nzə-nyaagə Həmɨnpwnə nə, kadawo sɨtə aawa və nəngrə a nə ɓashita Həmɨnpwa, nggaa dɨ mba angɨn a ɗa.

Ɓəgəng a nzatɨnə nagi ndo sə a Həmɨnpwa a ɗarən a vor vɨratə nee dɨ kula ka hɨmnə sate atɨ Həmɨnpwa ɓa bɨldə je dan bwang.

Mye leyəm kat atɨ baa a tɨla a nzatɨnə ɓəgəng, nagi ndo sə a vɨratə kat nee dɨ 'yesəwi ka sɨtɨ otə ɓətɨ mete a kwa-mwasati.