Versets bíblics populars de Romye 3

Comparteix

gəkɨlə ɓwaare kat ɗa səhase, tən kwakagə fukata Həmɨnpwa. Kat ka angɨn Həmɨnpwa dɨ ha wuladəha dan, nda sawuɗarən ɓaa dɨ haka Yesu Ma Həmɨnpwa a Yaɓwarən ndi ma vərən ɗɨmne.

Wule pepetɨngɨn da Həmɨnpwa a dɨma dɨ ha mwadiyale ka Yesu Ma Həmɨnpwa a Yaɓwarən ɓəmbə, a haka myee kat mwakan. Taa som-somtidə

Həmɨnpwa a vədə Yesu kwa hamati. Ite nda kəjidə zaambəngɨn a mbɨrə, nda nggurgə səhase. Mya ngguro ɓwaare gə səhase dɨ ha mwadiyale ɓəmbə. Həmɨnpwa a ɗaasə gələ nda bɨldə gəəte nda gəədə ɓwaare mi pepeyi. A vor mbasɨtɨ dan, ndaa ɓashiyə ɓwaare a nə səhasa təna ɗa a kwamətə. Həmɨnpwa a ɗaasə a vor nzatɨnə ɓəgəng gələ nda bɨldə nəngɨn atɨ ndi ma tikɨsə, nda gəədə myee mwadiyale ka Yesu mi pepeyi.

Gə-angɨn taa ndəng ma də ɓa gəə ma pepeyə a humwaa Həmɨnpwa dɨ ha koddə ɓashitə. Ə'ə, ɓashitə a dɨ bɨlə ɓwaara atɨ ndi nzə-ɗa səhasə.

Ɓətɨya mya doro vor Malɨmtɨ Ɗəmɗəmtə atɨ, “Taa ndəng ama femə də nagi hiɗə, taa ama də ka lele, a ma dɨ mwi atɨ nda ɗɨm Həmɨnpwa. Ɓwaare kat viriwo gəə mi ɓayi, taa ama də dɨ ɗa sə pepeye, nagi hiɗə.”

Mye kangə nə sate atɨ dɨ ha mwadiyale ɓəmbə Həmɨnpwa ɓa gəədə ɓwaara ma pepeyə, aa dɨ ha koddə ɓashita Musa.

Kək! Aa sə gən, nagi kəng-kəng. Nagi mi vɨratə kat ɓa gəə ji-kər jeronyi, Həmɨnpwa nee kangə nə tikɨstə ka diyale. Ɓətɨya mya doro, “Mbak-mbak ləməgyee hye boyo a bɨlə atɨ hye nee tikɨs, nagi hye ɓashiyə, ɓashitɨngɨn nee twa.”