Versets bíblics populars de Lyenta 2

Comparteix

Bitrus a luwa a sarən atɨ, “Porom-njiya gə səhase dəwnə, mye ɓa ɗa nagi ndo ma batisɨmatə a vor kwakɨ Yesu Ma Həmɨnpwa a Yaɓwarən, gə mye ɓa nggurəwnəgə səhase dəwnə. Beetɨ angɨn hwun ɓa luu Pitɨ Ɗəmɗəmtə, kotə həmta Həmɨnpwa.

Təna pedə nəngrən, tən ta kɨl kəndəshe dɨ haka kpe-lagbe da Yesu, təna peyə a nzaa ɓwaa-ɓwaatə ka sə ta ɓyanasə sɨzɨmtə a wakasərən, tən ta ɗa hiwtə mba-dɨ-mba.

Pitɨ Ɗəmɗəmtə a naadərən kat, təna tiya byele ka kwaame som-som, ɓətɨya Pitɨ Ɗəmɗəmtə a və nagi ndo ma a vorsərən gətə.

Tee gbyel ɗəng, mya nzaa kɨla korme ɓətɨ kaɓa hawo gyeɗəti kɨr-kɨr, dɨma dɨ vor pwa, nda pɨra a naadə vor hwoɗye kat a haa təna nza də. Təna naa shee ɓətɨ jeemi ɗiyə dɨma vyeti dɨ janga a nə nagi ndo ma, a tən myee peyi nza. Pitɨ Ɗəmɗəmtə a naadərən kat, təna tiya byele ka kwaame som-som, ɓətɨya Pitɨ Ɗəmɗəmtə a və nagi ndo ma a vorsərən gətə.

Təna pɨrə humwa ta peyi fərə-fərə a Kwa-Shafe, sə mgban fərə-fərə təna dɨ peyə hwodasə ta zɨməsə shee ka hanɨngtə ka hubosərən hiɗə. Tən ta ɓondi Həmɨnpwa ka ɗɨm humwa-shengtə a haka ɓwaare kat. Həmɨnpwa a ɗɨkə ɓwaare hananang a por-njiya gə səhase darən a ɗɨm mbətə, ji-kottə ta furi fərə-fərə.

“ ‘Həmɨnpwa a sa atɨ, A kpawtɨ nzatɨnə, sa hɨn ɓa ɗa nə yang: Hɨn ɓa pukadə pitɨ de a nə ɓwaare kat. Je dəwnə, i morye kat ka ji-mandye ɓa kpalə, ji-lagbe dəwnə ɓa naa haa, mi kpanye dəwnə ɓawa jiriyə.

Ji-kottɨngɨn kat a peyə a gə hiɗə, təna pedə shee darən mgban ta ɓyanasə. Təna pedə gɨnətɨ darən ka shee darən kat a ɗərdərən a ɓyanasə taangɨn ɓətɨya nagi ndo ma a dɨ mwo.

Nagi ndo ma kat tuwi wadə kwakɨ Həmɨmiye Baatə, ɓa ɗɨm mbətə.’

Fəre ɓa virwo a gəə kuliti, likɨtə ɓa poro kpalam ɓətɨ zaambə, də fərə kpane ka fukata Həmɨmiye a ɓə shi.