Versets bíblics populars de Петрань васенце сёрмазо 2

Comparteix

А вана тынь – Пазонь кочкавт буе, Инязоронтень важодиця попт, Пазонтень алтазь раське, ансяк Сонензэ явозь ломанть. Тынь аравтозтядо яволявтомс Сонзэ пародояк паро ине тевтнеде. Сон тынк тердидизь-ливтидизь чоподачистэ Эсензэ дивань-тамашань валдочинтень.

Сон Сонсь кандынзе-кепединзе минек пежетенек Эсь рунгосонзо крёст лангс вана мекс: куловлинек минь пежетенть туртов ды эрявлинек видечинть туртов. Сонзэ рантнень-аржотнень вельде тынь шумбралгадовлиде. Зярдо-бути тынь ульниде теке кадовозь реветь, а вана ней велявтыде мекев эсенк Ваныцянтень, ойменк Ванстыцянтень.

Икеле тынь ульниде аволь Сонзэ ломанть, – ней жо Пазонь ломантядо. Икеле Сон тыненк эзь путне седеймарямо, – ней жо Сон тыненк максызе Эсь седеймарямонзо.

Пиже эйкакш ладсо бажадо ярсамс Пазонь валонь ванькс ловсодонть, конань вийсэ тынь кастадо ды пачкодтядо идемас.

Вечкевикс ялгат, энялдан тенк, кода масторланга якицятненень-пакицятненень ды лия ёнксонь ломантненень: илинк максо прянк пежетев обуцянк мельтнень алов, конат тюрить тынк ойметнень каршо. Ветядо прянк пародояк парсте виде Пазонь асодыцятнень ютксо, куш сынь чумондыть эйсэнк кода зыянонь тейницянь. Сестэ сынь, тынк паро тевенк лангс ванозь, кармить шнамо Пазонть се чистэнть, зярдо Сон сынст содавтсынзе.

Тынськак, кода эриця кевть, тееведе оймеялтонь кудокс. Сестэ тынь ультядо Пазонтень важодиця попокс ды карматадо кандтнеме Тензэ оймеялтонь казнеть-анокст, конат тукшныть Сонзэ мельс Иисус Христосонь кисэ.

Секскак кадынк ве ёнов эрьва кодамо зыянонть ды эрьва кодамо кенгелеманть-манчеманть, кавто чачосо улеманть, сельмень сявадоманть ды эрьва кодамо беряньстэ кортавтоманть.

Садоя Сонензэ, эриця Кевентень, конань ёртызь ломантне, а вана Пазось кочкизе ды ловизе питнейкс.

Эрядо олячисэ, ансяк илязо уле те олячись берянь тевень кекшемакс, мекевланк, эрядо Пазонь важо ладсо.

Пазонть мелезэ: паронь теезь тынь лоткавтсынк ачарькодиця ломантнень превтеме лабордомаст-лавгамост.