Versets bíblics populars de 1 Петр 2

Comparteix

Но те ойырен налме тукым, Кугыжан иерейже-влак, святой калык, Юмын Шкаланже налме тукым улыда. Тендам пычкемыш гыч ӧрыктарыше волгыдышкыжо Ӱжшын кӱдыратле пашажым те увертарышаш улыда.

Ме, язык деч кораҥын, чын ыштен илен кертшаш улына, сандене Христос шке Капше дене языкнам ырес меҥгыш нӧлталын. Тудын сусыржо дене те паремдыме лийында. Те [кӱтӱчӧ деч посна кодшо] йомшо шорык гай лийында, но чондам Кӱтышӧ да Аралыше деке кызыт пӧртылында.

Ондак те калык лийын огыдал, ынде Юмын калыкше улыда. Ондак тендам чаманыме огыл, а ынде чаманыме улыда.

кызыт гына шочшо аза семын ару шомак шӧрым йӧратыза. Тудын дене те кушшаш да утаралтмашке шушаш улыда

Йӧратымем-влак, илаш толшо ӧрдыж еҥым сӧрвалыме семын тендам сӧрвалем: чон ваштареш кучедалше капысе сутланымаш деч шкендам кучыза да чын Юмым палыдыме еҥ-влак коклаште порын илыза. Тыгеракын, нуно поро пашадам ужыт да, осалым ыштыше манын, мо верч тендам кызыт вурсат, толын кайыме кечынже тидын верчак Юмым мокташ тӱҥалыт.

Шкендам илыше кӱ семын Юмын Шӱлышын пӧртшым чоҥаш пуыза, Иисус Христос гоч Юмылан келшыше надырым Шӱлыш дене пуышо святой иерей-влак лийза.

Тугеже, чыла осаллыкым, чыла чояланымым, сайла кояш тӧчымым, кӧранымым да чыла орлымым коден

Тудын деке, илыше кӱ деке, толза, Тудым еҥ-влак кӱлдымыш луктыныт, а Юмын ончылно Тудо ойырен налме да шергакан.

Эрыкан еҥ семын ыштыза, тек тендан эрыкда осаллан леведыш огеш лий, а Юмын кулжо лийза.

Вет Юмын эрыкше тыгай: порым ыштыме дене те тунемдыме еҥ-влакын шотдымо ойлымыштлан мучашым пыштышаш улыда.