Versets bíblics populars de Dioni 14

Comparteix

Neme nimi minyapaoma pulupare kuma pi eiri nimi para winyaloma puluae. Go eina na kuma pi eiri nimi para gialoae. Gupuma mo su wenaalimi nimi para gialeme rupa na-gialo. Go eina kone rando rando na-wi. Paalame na-komalepape, loma lisaya.

Yesumi nipuna angele yango liada ara lalore, Niri ande porae. Niri ora ei. Niri ande endoaya ei. Ali apimi na Apa para polame kone wiliandare, pora menda diae.

Yesumi nipuna kou nane raluaisimiya alinu para lalore, Nimina pumi kendame waru na-komalepape, lisaya. Kone rando rando na-wimi, Gode para kone rulaoma ara pange ni para pange kone rulaoma alepape, lisaya.

Gupipare ande nimi Rambamula pea Epe Yaakopi Sipiridi na Apame na bina rapala pea Epe Yaakopi Sipiridi nipumi alenda alenda raayo wadea. Gupuma pange neme ande nimi para walawa einu raayore nimi kone sialiminyaya nipumi nimi kone ma-sialia, lisaya.

Ali apimi na angele wi einu pangoma piliandare go alimi ni para nipuna pumi kone suma raname komelea. Ni para nipuna pumi kone peanda raname komelea aliri na Apame nipu para pange kone suma raname komelea. Gupuma neme pange nipu para na pumi kone peanda raname komala ara ni ayo eiri penameyao wadoa, lisaya.

Gupuma neme na Apa para konge doandare nipumi nimi Rambamula pea Epe Sipiridi giliae. Go eiri ora au puaya Epe Sipiridiri nimi rapu ao-ainyaya gilia, lisaya. Su wenaalimiri go Epe Spiridi na-andala ara pange kone na-siala ara pange nipu na-lamu mula pemepare nimi rapu mendaa para ara nimi rupara aliandare nipu kone wilimi, lisaya.

Gupuma ni para alenda menda na bina kongeyala ara demendare neme palua, lisaya. Gupula eimiri neme na Apana wele kongapu wenaali para wadoa, lisaya. Alenda menda na bi lala ara ni para konge demendare neme palua, lisaya.

Ni para nimina pumi raname komoma kone wilimindare na rudule angele wi einu pangoma pilimiae, lisaya.

Na Apana anda parare anda panda waru andapu suaya, lisaya. Gupuma ni pumare nimi epa ala peme lena wamo pala puluae. Go eina go lalo ei na-sula payalore neme nimi para ambala la gula pawa loma, lisaya.

Gupuma ni pumare nimina ala peme lena wamo paomare ni ayo lena mendaa para epa aliminyayandare ni wala ipuma nimi epa lamu mulae, lisaya.

Domasi nipumi Yesu para lalore, Realio, nee pola pele eiri naame kone na-wima. Go porare akipuma andamonopae loma, lora pisaya.