Versets bíblics populars de Májiye 5

Comparteix

Naane yooŋ ejaaŋana: an árifaariit ejaaŋana, abe n'árut yo n'ésiwo, bare aŋ'ánind yo ti kaasooru ku kaanuku yeejaaŋan keeemo ku t'enuuf i fe. Iyu yooŋ i meejaaŋe moonuun muware fu kajaaŋan ésuk i, kaanuku man ni kajuk meejake mamm'árihin, abe ni kasokoroor Faafuun eeemo u t'etiir.

«Aruun ariemo fu meejaaŋe mu tu kúŋgowulan ku. Hikinu heenutee t'etiir hirij hiyinaat kánuusiee.

Atoof ti bakate ñúwejet ñeekuure ñu, ábuki boko kajuku Atambatun!

Atoof ti kéemaŋie ku káhabanein káhinu b'Atambatun ámaŋie bu, ábuki akina kawuniiin bo kafaman!

Íñje bare eenuun: árimaŋi enatoora yeenuun, abe n'arilaw bija ti kiŋki káhihinooruun.

Yesu n'aaniin: —Atoof ti kéemeyie ku kaanuku kasawulasawulo Atambatun, ábuki Jáyi joone jooniin ju!

Atoof ti kiŋki kaŋes káhinu ésuk i keebukan, ábuki Atambatun kajokiiin naane bakañio!

Atoof ti keeemo ku ti biyiy bu, ábuki Atambatun kabuutooriin!

Atoof ti kéehihinooree ku aŋarkeyi naane káhinahin naane Atambatun ámaŋie i, ábuki Jáyi joone jooniin ju!

Atoof ti kiŋki kayubiyen bakaaku, ábuki Atambatun kayubiyeniin yooŋ!

«Atoof t'aruun kane ésuk i kálafatinuun, káhihinooruun, abe n'iŋi kajuus keesok t'aruun beejakut uŋu húuma hu. Kikawuun kutoof dómbokun, ábuki hisiibanu hómbokun hondu ti kanahanuun t'etiir. Múniyo iyu yooŋ e ésuk i káhihinoore fu *eyiŋana yite Atambatun kéegilanuun ku.

Atoof ti kéeneenie ku, ábuki Atambatun kawuniiin etaam i kéekini yo!

—Aruun ariemo fu misis mu tu kúŋgowulan ku. Misis ifi mija ayak abin áami míneenia, iŋkut mijam, buŋ bu muwaree fu káhinu meesooñ meejam? It'iŋki mijak bija tu doon fe. Mo káfiitenee, ésuk i eŋ'ebin ekak te mo.

Faafuun eeemo u t'etiir aŋ'akuur but; aruun yooŋ áriyemi naane akina.

A̱ane kep «hee» kane arko hee, «aaa» kane arko aaa. B'a̱yak bu kasoku fe á̱wutiyen, ti Setani tu búnuutina.

—Arijamajam kaanuku bonde busokee fu: «An af'ábuji díkin, doone du yooŋ duwareewar kábuju; abe an n'ábuji káaŋiiŋ, koone ku yooŋ kuwareewar kábuju.» Íñje bare eenuun: an af'áhinuun beejakut, atum'arinukan. An af'ámiñi ti kaarofaŋ kaatos ku, a̱waso yooŋ éemiñi ti kaamay ku.

Arko díkini daatos du ifi díkinineŋ n'a̱ney ti kaahoofoor, a̱nuutan do, abe n'á̱fiiten do akambee. Ahaŋ kajaku doon difeeneŋ nu dútowuto t'awe, bala á̱fiitenee enii ereyi fe sambuun. Arko emoŋii yaatos i ef'ékinineŋ n'a̱ney ti kaahoofoor, a̱faran yo, abe n'á̱fiiten yo akambee. Ahaŋ kajaku doon difeeneŋ nu dútowuto t'awe, bala enii ereyi fe eja sambuun.