Versets bíblics populars de མར་ཀུས། 14

Comparteix

ཉི་རོ་ཀི་ཞུ་ཝ་ལ་ ཡབ་ ནཱན་གི་ མར་བེ་ཧང་རང་མཱན༌ཅ། ཨོ་ཐ་དཀའ་ཝ་ཅཱད་པེ་ཁེ་ཁཱན་ གུར་བུ་ཁེ་པ་ ཇང་གེ་དུང་ཉི་བསྣམས༌ཅོ། དག་པ་ཀབ་ཉི་ ཇི་གི་ཧང་མིན་ཅ་སྨོ་ ཨུ་ཉུ་མང་གི་ཝ་ ན་ག་ཐུགས་དང་ཏུ་ཉི་ ཇུང་ཆེན་དག༌ཉི།

ན་ག་ཐུང་ཀ་ བར་ཆད་མང་ཕེ་དེན་གེ་གོད་ཐཱན་ སྨོན་ལམ་ཏབ༌ཅོ། མ་པ་ སེམས་ཀི་ཏ་ ཨ་ལེ་ལ་མ༌ལ། དག་པ་ཀབ་ཉི་ ལུས་པུ་གི་ གོ་ཆོད་པུ་མ་ལ་དག་ཉི་ གསུངས་མ༌ལ།

ཇི་གི་ ན་ཧ་ཐྲང་ཉི་ཡེག་པེ་ འཛམ་གླིང་ཨོ་ག་རང་གི་ནེ་བུ་ འཐེན་ལེག་པུ་བཤད་པ་ཀབ་ཉི་ རོག་ཡིད་ཀ་ཨ་ལེ་དེན་གེ་ རོ་ཀི་ཨ་ཁཱན་ཀོར་གེ་བུ་ ཡེག་པེ་དག་ཉི་ གསུངས་མ༌ལ༎

རོ་ཀི་ རོག་ཏེ་སམ་ག་ གསུངས་མ་ལ་ ཇ་ག་ཐིང་ལོམ་ གནམ་མེད་ས་མེད་ངམ་ཉི་ ཤི་ལེ་ད་བུ་རི་ཝ༌ཅ། ན་ཧ་བ་ ཨོ་ཐ་ཆོན་ཐཱན་ རིག་པ་སྒྲིམ་ཉི་ གོད་ཅོ་ན་དག༌ཉི།

ཉི་རོག་ཏེ་བ་བཞེས་ལ་ཀབ་ཉི་ ཀེབ་ཏང་ རོ་ཀ་ཕྱག་ཀ་བསྣམས་ཐཱན་ བཀའ་དྲིན་བསམ་ཉི་ ཉི་བིརིང་ཐཱན་ རོ་ཀ་སློ་མ་བ་ཀ་ བོང་ཉི་གནང་ཐཱན་གསུངས་མ་ལ་ ཟའི་ ཨུ་ཐུ་ཤོ་ ཇ་ག་ལུས་པུ་གི་ལ་ན་དག༌ཉི།

ཉི་བཞེས་ཆ་ རོ་ཀ་ཕྱག་ཀ་བསྣམས་ཐཱན་ བཀའ་དྲིན་བསམ་ཉི་ ཉི་རོ་ཀ་སློ་མ་བ་ཀ་གནང་མ༌ལ། ཉི་རོག་ཏེ་བ་ ཐམས་ཅན་གི་ ཨུ་ཉུ་ཇ་མ༌ལ། ཉི་རོ་ཀི་ རོག་ཏེ་བ་ཀ་ གསུངས་མ་ལ་ ཨུ་ཐུ་ཤོ་ མང་པུ་ཐུར་ག་དེན་གེ་ལུག་ཉི་ སོ་ངོ་དང་ དཀོན་མཆོག་ག་བར་ཀ་ འགན་རྒྱ་སིང་མ་ཅོད་ཁཱན་ ཇ་ག་ཞི་གི་ལ་དག༌ཉི།

ཉི་ཡི་ཤུ་གི་ གསུངས་མ་ལ་ ན་ཧ་བ་ ཐམས་ཅན་གི་རང་ ཇང་ཐུབ་ཐ༌ལེ། ཧང་ཡ་དག་ནེ་ལ་ ཇི་གི་ཤི་ཤ་དི་པ་ཤེ༌ལེ། ཉི་ཤི་ཤ་བ་ ཐམས་ཅན་རང་ ཏོར་ཉི་དི་ལེ་ དག༌ཉི་ གསུང་རབ་ནང་ཀ་འབྲི་བ༌ཅ།

ཝུའི་ ཨ་ཧ་བ་ དི་ཁེ། གོད་ཅོ་ལེ་ ཇང་ཙུང་ཁཱན་ ར་ག་ཏེམ་པ་ཅ་དག་ཉི་ གསུངས་མ༌ལ༎

ཉི་ཡི་ཤུ་གི་ རོ་ཀ་གསུངས་མ་ལ་ ཇི་གི་ ན་ག་ཐྲང་ཉི་ཡེག་པེ་ ཐི་ནོང་བི་ནང་ག་རང་ གོ་ག་ཤོ་ཉིག་ཙིང་ མ་ཇིག་པེ་གོ་མ་ ནཱན་གི་ ཇང་གུམ་མ་ཡེ་ལ་ཨ་ཉི་ ཤེབ་སམ་ཡེག་པེ་དག༌ཉི།