Versets bíblics populars de མ་ཏི། 15

Comparteix

དག་པ་ཀབ་ཉི་ ཆཱས་ངན་པ་ཁེ་པ་ སེམས་ངན་པ་ནང་ཀེ་ ཤོན་ཅ་གི༌ལ། ཉི་ཨོ་ཉེ་གི་ སོ་ངོ་མ་ཙང་མ་ཅོད༌ཅ། ཧང་ཡ་དག་ནེ་ལ་ སོ་ངོ་ག་སེམས་ནང་ཀེ་ ངན་པ་མི་ཉི་ སོ་ངོ་ཤེ་ལེ་ག་དང་ གཉེན་གྲོགས་གེ་ཕིས་ཀ་ ལུས་འབྲེལ་ཨ་ལེ་ག་ ཉི་ལུས་འབྲེལ་མ་ཙང་མ་ མ་འདྲ་ཝ་བ་ཨ་ལེ་ག་དང་ དྲོ་ཝཱན་ཨ་ལེ་ག་ ཉི་སོ་ད་ཕི་ལེ་ག་དང་ བཱརའ་ག་ཀོར་གེ་ མ་ལེག་པ་ཡེག་པེ་ག་ རིག་ཅ་གི༌ལ།

སོ་ངོ་ག་ནོ་ཝང་གེ་ ཕོ་ལང་ནང་ཀ་དི་ཁཱན་གི་ རོག་མ་ཙང་མ་ཅོད་པུ་མཱན༌ཅ། དག་པ་ཀབ་ཉི་ ནོ་ཝང་ནང་ཀེ་ ཕིས་ཀ་ཤོ་ཁཱན་གི་ རོག་མ་ཙང་མ་ཅོད་ཅ་གི་ལ་དག༌ཉི།

ཨོ་ཐ་སོ་ངོ་བ་ཀི་ རོག་ཏེ་བ་ཀ་ ནོ་ཝང་ལེབ་ཅི་གི་ཨ་ཉི་ ཇ་ག་ཆ་གནས་ཐཱན༌ཅ། དག་པ་ཀབ་ཉི་ རོག་ཏེ་བ་ཀ་ སེམས་གི་ནེ་ལ་ གནམ་མེད་ས་མེད་ ལམ་རིང་མུ་ག༌ཅ། རོག་ཏེ་བ་ཀི་ ཇ་ག་དེ་ཝ་ཏོང་པ་ གསོལ་ཝ་ཏབ༌ཅ། ཉི་རོག་ཏེ་བ་ཀི་ ཡེ་ཁཱན་ཁེ་པ་ སོ་ངོ་གི་ཙམ་ཁཱན་བ་གི་ལ་ དག༌ཉི།

ཉི་གེ་ ཡི་ཤུ་གི་ རོ་ཀ་གསུངས་མ་ལ་ ཨ་མ་ ན་ག་དད་པ་ཆི་ལུ༌ལ། ནཱན་གི་ཞུ་ཝ་དང་ཏུ་ཉི་ ཇུང་མེ་དག༌ཉི། ཉི་ཨོ་ཉ་ཐྲེ་ཀེ་རང་ རོ་ཀ་ཟ་མིན་དྲག་པ་གི་ཝ༌ལ༎

ལག་ཏང་ ཨོ་ཉ་མེ་ཝག་ཙ་གི་ རོ་ཀ་ཞབས་ཀ་ ཕྱག་འཚལ་ཐཱན་ཞུ་ཝ་ལ་ གཙོ་བོ་ ཇ་ག་སྐྱིད་སྡུག་གཟིགས་ཉི་ གནང་ཤོ་དག༌ཉི། ཉི་ཡི་ཤུ་གི་ རོ་ཀ་གསུངས་མ་ལ་ ཝག་ཙ་བ་ཀ་ལྟོ་རུན་ཐཱན་ ཁུ་བ་ཀ་ བི་ལེ་ག་མ་ན་ལ་དག༌ཉི། རོ་ཀི་ཞུ་ཝ་ལ་ གསུངས་དེན་ གཙོ་བོ། དག་པ་ཀབ་ཉི་ ཁུ་བ་ཀི་ རོག་ཏེ་བ་ཀ་ སྦྱིན་བདག་བ་ཀ་ དོང་ཏཱན་ཐུང་ཀེ་ཞུད་ཁེ་ཁཱན་ ཆེད་པ་བུ་ཟཱན་ཅ་དག༌ཉི།