Versets bíblics populars de Rɔmu Siè 6

Comparteix

Iè hɔ̀ lɛ ɛ́ hɔ́ bɔ̀koohɔ́ wénlɔ́ sàanín iè hɔ̀ húmú; kɛ́ Dɔfĩn bòo lɛ ɛ́ Hɔ́ wóo lɛ́ kã́amáa ɛ́ iè lè mɛkɛ̃nì lɛ yá vé kè ńcɛɓánlɔ́ àá ké Ɲunsɔ Yiezu Kirisa bòo hũn.

Ɛ́ hɔ́ bɔ̀koohɔ́ ɛ́ wo yá bĩní yí pànkɛ́ mì lɔ̀n, iè hɔ̀ lɛ ɛ́ mí mí hɔ́ làndɛ́ núnú hũn kɛ́ Dɔfĩn hiì iè pe ɛ́ mí wi hũn.

Ɛ́ hɔ́ ńlíiníɲumu iè bòo ɛ́ ɓɛ́ nɛ ké páaníɛ húrún ɛ̀ kè páaníɛ wũ̀nɛ àá Kirisa, bòo lɛ ɛ́ wé, ɛ̀ kɛ̀a bòo lɛ ɛ́ kìe Yàá Dɔfĩn pànkɛ́ bɔ̀bɛhɔ́ dàa lɛ́ ápe Kirisa ɛ́ vìé lɔ́ hɔ́ húmú hũn, ɛ̀ kèpe ɓiɛ̀ ɛ̀ yí mɛkɛ̃nì dɛ̀fĩì.

Ɛ́ mí wo bí wóo bĩní fùansí mí tɛkɛ̀a viì dɔ̀ ǹ ɛ̀ dé hɔ́ bɔ̀koohɔ́ núnú hũn ɛ̀ hɔ̀ wo wé hɔ́ bòo lɛ ɛ́ yá cã̀aní wɛ̀. Kɛ́ mí dé míte hɔ̀ Dɔfĩn núnú hũn kɛ̀a ie ɓɛ nìnbirìe lɛ vìé lɔ́ hɔ́ húmú hũn, ɛ̀ mì mìí míte míkùi ɛ̀ dé Dɔfĩn tɔnlɔ́ hũn ɛ̀ wóo wé hɔ́ bòo lɛ ɛ́ cã̀aní.

Mì ke dũń sãaní kɛ́ hɔ́ bòo lɛ ɛ́ ké te dàa hṹn wi àá híɛhɔ́ ɛ́ húrun àá ɔ́ Kirisa lè ɓáalén dãanù lɔ̀n, ɛ́ hɔ́ bɔ̀koohɔ́ sɛ̃́hṹ lɛ hṹn wi kie ǹ ɛ́ dàa yáa, ɛ́ ké bĩniɛ yí hɔ́ bɔ̀koohɔ́ wɔhĩ́ wɛ̀.

Ɛ́ sí ɓiɛ̀ iè hɔ̀pe ɓà ńmàa ɛ́ mípe ɓiɛ̀ wóo líi míte àá nìɛ lɛ ɛ́ húrun hɔ̀ bɔ̀koohɔ́ viì, kɛ́ mí yìe ɛ́ wi ɛ́ dàa ɛ́ hɔ́ ɓàarɔ́ ɛ̀ lɛ́ Dɔfĩn mì ńcɛɓánlɔ́ àá ɔ́ Yiezu Kirisa hũn.

Ɛ́ ké wo ɛ́ zɔ́ bie nɛ wɛrɛ̀? Ké sãawi, ɛ̀ kè pɛ ke híɛhɔ́ ɛ̀ wé hɔ́ bɔ̀koohɛ̃ ɛ̀ Dɔfĩn hiì ɛ̀ dàá wookɛ ɓàaní yée? Ńɓùé hɔ̀ yí dɛ̃̀ kɛ̀amu wɛ̀! Hɔ̀ bɔ̀koohɔ́ viì, ɛ́ ké húrún; ɛ́ ké wo wiɛ dàa dɛ̀ ɛ́ bĩní ɛ́ kań hɔ́ bɔ̀koohɔ́ hũn?

Mí lo wo dũ kɛ́ mí ɓen fùɛrɛ̀sí míte ǹ ɛ́ dɔ́ nìnbírɔ dɔ̀ núnú hũn ɛ́ piè bòo ɛ̀ ɲí, ɛ̀ mì iè ɔ̀pe lɛ ɛ́ mí ɛ́ bòo ɛ̀ ɲí wɔhĩ́. Ɛ́ tàá ɛ̀ mì iè hɔ̀ bɔ̀koohɔ́ wɔhĩ́, hɔ̀ bɔ̀koohɔ́ lɛ ɛ́ wóò ɓen àá hɔ́ húmú, tàá ɛ̀ mì ɛ́ Dɔfĩn bòo ɛ̀ ɲí ɛ́ Dɔfĩn ɓén wé miɛ àá nì-cã̀aníriè.

Kɛ́ Dɔfĩn yèrè ɛ̀ ɓàaní! Iè hɔ̀ lɛ ɛ́ hṹn àá híɛhɔ́ ɛ̀ mìpe ɛ́ hṹn iè hɔ̀ bɔ̀koohɔ́ wɔhĩ́, kɛ́ kɛ̀a sáalɛ ɛ́ mí wo ɛ́ tɛ̀ hɔ̀ bòo lɛ ɛ́ ɓɛ́ kɛ̀rɛa àá miɛ bòo àá mí tĩɛ̀ míkùi. Mí yú míte hɔ̀ bɔ̀koohɔ́ núnú hũn ɛ́ khie wɔ́ hɔ́ cã̀anírɔ́ wɔhĩ́.