Versets bíblics populars de Rɔmu Siè 3

Comparteix

ɛ́ ɓɛ́ nìnbirìe ɓɛ́kùi ɛ́ wɔ́ bɔ̀koohɔ́, ɛ́ ɓɛ́ wo khɔn Dɔfĩn ɓàarɔ́ ǹ. Kɛ́ Dɔfĩn àá mí hiì ɛ́ lɛ́ ɛ́ ɓɛ́ wɔ́ nìcã̀aníriè kɛ́ ɓɛ́ lò yí sàaní bòo dɔ̀ wɛ̀; Hɔ̀ wɔ́ hɔ́ kɛ̀a bòo lɛ ɛ́ Hɔ́ dàa lɛ́ á Yiezu Kirisa ɛ́ ɓɛrɛ fueniɛ ɓà ǹ ɛ́ lɔ́ hɔ́ bɔ̀koohɔ́ núnú hũn.

Dɔfĩn ɛ́ wóo wé ɓɛ́ nìnbirìe àá nìcã̀aníriè iè hɔ̀ lɛ ɛ́ ɓɛ́ dũmuasɛ̃̀ Yiezu Kirisa ǹ. Hɔ̀ wóò wé hɔ́ ɓɛ̀ nìnbirìe lɛ dũmuasɛ̃̀ àpe Kirisa ɓɛ́kùi bòo hũn, iè hɔ̀ lɛ ɛ́ Dɔfĩn ɛ́ yáà wiekɛ nìnbirìe wɛ̀

Dɔfĩn tɔrɛ àpe Kirisa nɛ a ɓen hí ɛ̀ piè cãani ɛ̀ kóosí ɛ̀ wé lé miyiɛ́ ɛ̀ dàá leń ɓɛ́ nìnbirìe lɛ dũmuasɛ̃̀ à ǹ bɔ̀koohɛ̃ ɛ̀ lé peɓɛ̀ lɔ̀n. Dɔfĩn ɛ́ wɔ́ hɔ́pe sí ɛ́ dàa ɛ́ zɛ̃́ní kɛ́ mí iè Dɔfĩn lɛ ɛ́ cã̀aní. Hṹn àá híɛhɔ́, ɛ́ hɔ̀ bɔ̀koohɛ̃ lɛ ɛ́ ɓɛ́ nìnbirìe ɛ́ pɛ̃̀hṹ ɛ́ wé, ɛ́ hɔ́pe Dɔfĩn ɛ́ hàarí yí biení peɓɛ̀ lɔ̀n pehɔ̀ bòo hũn wɛ̀; Hɔ̀ den hàarí hɛ̃̀ mí hũn àá ɓɛ́. Kɛ́ kɛ̀a sáalɛ ɛ́ Hɔ́ den ɛ́ mí cã̀anírɔ́ ɛ̀ zɛ̃́ní. Ɛ́ kɛ̀amu, ɛ́ Hɔ́ wo ɛ́ cã̀aní, ɛ̀ ɓɛ̀ nìnbirìe lɛ ɛ́ dũmuasɛ̃̀ à Yiezu Kirisa ǹ ɛ́ Hɔ́ lò wɔ́ àá nìcã̀aníriè mí híɛhɔ́.

Iè hɔ̀ lɛ ɛ́ nìnbírɔ dɔ̀ lɛ bòo ɛ́ dɛ̀ ɓén tĩìní Dɔfĩn híɛhɔ́ iè hɔ̀ lɛ á dɛ̀ ɛ́ bie nɛ mí wɔ́ hɔ́ làndɛ́ bòo míkùi ɛ́ mí wɛ̀. Hɔ̀ làndɛ́ bòo lɛ ɛ́ hɔ́ dɛ̀ ɛ́ wóò wé, iè hɔ̀ lɛ ɛ́ hɔ́ wóò lɛ́ ɛ̀ kè dàa dũń hɔ́ bɔ̀koohɔ́.

kɛ̀a bòo lɛ ɛ́ hɔ́ dàa wɛ̃́ lé Dɔfĩn bienù vɛ̃hṹ hũn ɛ́ nɛ làa: Nìnbírɔ lɛ ɛ́ cã̀aní ɛ́ mí wɛ̀, Hɛ̀rí nìnbí-cóoní lɛ ɛ́ cã̀aní mínɛ wɛ̀. Nìnbírɔ lɛ ɛ́ bɔ̀dũmunù wi ɛ́ mí wɛ̀, Nìnbírɔ dɔ̀ lɛ ɛ́ Dɔfĩn ɛ̀ cɛ̀ ɛ́ mínɛ wɛ̀. Ɓɛ̀pe ɓɛ́kùi ɛ́ lɔ́ Dɔfĩn wṹn lɔ̀n, ɛ́ páaníɛ van vĩ́iniɛ ɓɛ́te. Ɛ́ nìnbí-cóoní dɔ̀ lɛ ɛ́ bɔ̀tente ɛ̀ wé ɛ́ mí wɛ̀. Hɛ̀rí nìnbí-cóoní ɛ́ mí wɛ̀.

Ké wóò nɛ Dɔfĩn ɛ́ wóò wé nìnbírɔ àá nìcã̀anírɔ mí híɛhɔ́ iè hɔ̀ lɛ ɛ́ ɓàasɔ ɛ́ dũmuasɛ̃̀ Yiezu Kirisa ǹ, kɛ́ hɔ́ yí hɔ́ lɛ á wóò wé hɔ́ làndɛ́ bòo lɛ ɛ́ hɔ́ khɛ́ wɛ̀.

Ńɓùé lò! Hɛ̀rí kɛ́ nìnbirìe ɓɛ́kùi ɛ́ iè ɓɔ́ɓúukɛriè, ɛ̀ Dɔfĩn pe iè bɔ̀berà ɓàasɔ kɛ̀a bòo lɛ ɛ́ hɔ́ dàa wɛ̃́ pehɔ̀ bienù vɛ̃hṹ hũn ɛ́ nɛ làa: Kɔ̀pe Dɔfĩn ɓen ɛ́ bie, ɛ́ ɓɛ́ nìnbirìe ɛ́ dũń kɛ́ hɔ́ lɛ ɛ́ kɔ́ ɛ́ bie ɛ́ bɔn, Ɛ̀ ɓɛ̀ ɓen ɛ́ kɔ̀ wũ̀aní, ɛ́ kɔ́ bòo ɛ́ tĩìní.