Versets bíblics populars de Rɔmu Siè 10

Comparteix

Kɛ́ kɔ́ ɓen tɛ̀ ɛ́ bie àá kɔ́ ɲunù ɓɛ̀ nìnbirìe yìe hũn nɛ Yiezu ɛ́ iè Ɲunsɔ, kɛ́ kɔ́ lò dũmuasɛ̃̀ kɔ̀ tĩì hũn nɛ Dɔfĩn vìeníɛ ɔ̀ ɛ́ líeniɛ hɔ̀ húmú hũn, ɛ́ kɔ́ ɓén fuen.

Iè hɔ̀ lɛ ɛ́ nìnbírɔ iè piè tĩì á wóò dàá dɛsĩ̀, ɛ̀ Dɔfĩn dàá líi ɔ́ àá nìcã̀anírɔ. Ɛ̀ nìnbírɔ lò iè piè ɲunù á wóò dàa bie mí ńdɛsĩ̀nlɔ́ bòo ɓɛ̀ nìnbirìe yìe hũn, ɛ̀ Dɔfĩn ɛ̀ dàá fuení-ɛ̀ ǹ.

Ɛ́ kɛ̀amu, ɛ́ hɔ́ ńdɛsĩ̀nlɔ́ ɛ́ wóò lé hɔ́ bòo lɛ á nìnbírɔ wóò ɲí kɛ́ ɓɛ́ ɛ́ buie ǹ, ɛ̀ hɔ̀pe bòo sɔ lɛ ɛ́ ɓɛ́ ɛ́ buie ɛ́ iè ɔ̀ Kirisa Bentĩnu.

Ɛ́ hɔ́ wɛ̃́ lé Dɔfĩn bienù vɛ̃hṹ hũn ɛ́ nɛ làa: «Nìnbírɔ yée nìnbírɔ kɛ́ á dũmuasɛ̃̀ à ǹ, ɛ́ lùwiè ɛ́ yá dí ɓàasɔ wɛ̀.» Ɛ́ sí iè pe temu lɛ́ ɛ́ ńsankɛà ɛ́ dàa mínɛ ɓɛ̀ Zuifuɓɛ àá ɓɛ́ lɛ yí ɓɛ́ Zuifuɓɛ tĩ́ihṹ wɛ̀. Ɓɛ̀pe ɓɛ́kùi ɛ́ lɔ̀ Ɲunsɔ wìcóoní lɛ wóò wé mí sãamu àá ɓɛ́ nìnbirìe lɛ wóò vi-e ǹ ɓɛ́kùi. Iè hɔ̀ lɛ ɛ́ hɔ́ bie lè Dɔfĩn bienù vɛ̃hṹ hũn ɛ́ nɛ làa: «Nìnbírɔ yée nìnbírɔ lɛ ɛ́ Ɲunsɔ ɛ̀ venin ɛ́ ɓén fuen.»

Ɛ̀ hɔ̀ wo mii yí buie kɛ wiɛ kɛ́ nìnbírɔ dɔ̀ ɛ́ lò yí tɔn à vɛ buie hɔ? Kɛ̀a bòo lɛ ɛ́ hɔ́ dàa wɛ̃́ lé Dɔfĩn bienù vɛ̃hṹ hũn ɛ́ nɛ làa: «Hɔ̀ hɛ̀ iè tĩwiɛ̀ bòo cɛ̃̀un, lɛ ɛ̀ mì mi ɓɛlɛ ɛ́ lè Bentĩnu ɛ̀ buie kɛ́ ɓɛ́ ɛ́ ɓen.»

Ɛ́ ɓɛ́ nìnbirìe ɛ́ wo ɓɛ wiɛ dàá vi-e ǹ kɛ́ ɓɛ́ lò yí dɛsĩ̀-ɛ̀ ǹ? Ɛ̀ ɓɛ̀ wo ɓɛ wiɛ dàá dɛsĩ̀-ɛ ǹ kɛ́ ɓɛ́ lò ɛ́ yí ɲí kɛ́ ɓɛ́ ɛ́ piè bòo ɛ̀ bie? Ɛ̀ ɓɛ̀ wo ɓɛ wiɛ dàá ɲí kɛ́ ɓɛ́ ɛ́ piè bòo ɛ̀ bie kɛ́ nìnbírɔ dɔ̀ ɛ́ yí buie hɔ?

Iè hɔ̀ lɛ á Kirisa ɛ́ temu iè ɔ̀ Moyiize làndɛ́ ɲunù tíinílén, bòo lɛ ɛ́ wé ɛ̀ ɓɛ̀lɛ ɛ́ dũmuasɛ̃̀ àpe Kirisa ǹ ɛ̀ Dɔfĩn ɛ̀ wé ɓàasiè àá nìcã̀aníriè mí híɛhɔ́.