Versets bíblics populars de Bɔ̀werà 2

Comparteix

Ɛ́ Piɛre zɔn kɔ̃́niɛ ɓɛ̀ nɛ làa: «Mì zɛ̀ní mí tĩɛ̀ ɛ̀ mì fùansí hɔ́ bɔ̀koohɛ̃ wénlɔ́n, ɛ̀ hɔ́rɔ wóo vɛ lɛ́ míte ɛ̀ ɓɛ̀ líiní hɔ́ ɲumu hũn Yiezu Kirisa yèrè lɔ̀n, bòo lɛ ɛ́ wé ɛ̀ mì bɔ̀koohɛ̃ sɛ́wɛ́rí ɛ̀ dàá dé lɛ́ miɛ ǹ. Ɛ́ mí ɓén yí Dɔfĩn hɛ̃mù bòo lɛ iè le Mɛkɛ̃n-Sãanu.

Ɛ́ ɓɛ́pe ɓɛ́kùi ɛ́ hṹn dɔ́ ɓɛ́ ɲún ɛ́ ɓɛ̀ tɔnkɛriè kɛ̀ránlɔ́ lɛ ɛ́ ɓɛ́ wóò lɛ́ ɓà ǹ ɛ̀ ɲí, ɛ̀ ɓɛ̀ wóò páaní kóo ɓánlɔ̀n kɛ̀a zɛ̀ɓɛ̀ bòo sí, ɛ̀ ɓɛ̀ wóò páaní ɓùenkɛ hɔ búrú ɛ̀ lɛ̀, ɛ̀ ɓɛ̀ páaní hɛ̃un Dɔfĩn.

Ɛ́ ɓɛ́pe ɓɛ́kùi ɛ́ tú àá Mɛkɛ̃n-Sãanu ɛ́ ɓɛ́ wo ɛ́ hɔ̀ nín-ɓuà ɛ̀ bie, hɔ́rɔ àá lé níi lɛ ɛ́ lépe Mɛkɛ̃n-Sãanu lɛ́ à ǹ nɛ a bie.

Ɛ́ ɓɛ ɛ̀ húi, ɛ̀ tɛmu dɔ̀ ɛ́ pan pan ɛ̀ lè yòó tɛ̀ hɔ̀ hóohũn ɛ́ ɓen síɛ kɛ̀a pinpi-bɛhɔ́ lɛ ɛ́ zè, ɛ́ síɛ tíiniɛ lè zũnù lɛ ɓɛ́ kɛsí hũn míkùi. Ɛ́ ɓɛ́ mɔn bòo dɔ̀ lɛ lɔ́ɓán àá dṹn diɛhĩ́. Ɛ́ hɔ́ ɓɛrɛ saakɛa àá bɔ̀cóohɛ̃ cóohɛ̃ ɛ́ síɛ peɓɛ̀ lɔ̀n. Ɛ́ ɓɛ́pe ɓɛ́kùi ɛ́ tú àá Mɛkɛ̃n-Sãanu ɛ́ ɓɛ́ wo ɛ́ hɔ̀ nín-ɓuà ɛ̀ bie, hɔ́rɔ àá lé níi lɛ ɛ́ lépe Mɛkɛ̃n-Sãanu lɛ́ à ǹ nɛ a bie.

Sitĩnlɔ́ míkùi hũn, ɛ̀ ɓɛ̀ wóò wé ɓɛ́ ɲunù àá dìcóoní ɛ̀ zɔ kóo ɓánlɔ̀n lè Dɔfĩn zũ-bɛhɔ́ hũn, ɛ̀ ɓɛ̀ wóò páaní ɛ̀ dí ɓɛ́ zĩhĩ́ɛ hũn àá tĩwiɛ̀ àá hũn hánlɔ́. Ɓɛ̀ wóò ɓàaní Dɔfĩn ɛ̀ ɓɛ̀ nìnbirìe ɓɛ́kùi ɛ́ hṹn ɓɛ̀ mɛ̀ndɛ̃. Àá sítĩnlɔ́, ɛ̀ Ɲunsɔ hṹn wóò fuení ɓɛ́ nìnbí-fĩɛ̀ dɔ̀ ǹ ɛ̀ ɓen páa ɓɛ́ ńdɛsĩ̀riè lɔ̀n.

À hàarí bie nɛ Dɔfĩn ɛ́ nɛ làa: “Lɛ iè hɔ̀ bòo lɛ ɛ́ ɓén wé hɔ́ mɛ́n-wihĩ́ hũn, Ń ɓén síɛní niǹ Mɛkɛ̃ni ɓɛ̀ nìnbirìe ɓɛ́kùi lɔ̀n. Mì bɛ́zikíini àá mí hĩ́ini ɛ́ wóo ɓén háaní niǹ bòo ɛ́ lɛ́ ɓɛ́ nìnbirìe ǹ, Ɛ̀ ǹ wóo ɓén lɛ́ ɛ́ mí zɛ̀fɛ̀-cíini ɛ́ mi hɔ yìnmirà bòo, Ɛ̀ ǹ lò wóo ɓén bie àá mí nìkĩ́ihɛ̃ hɔ̀ dɛ̀woò hũn.

Kɛ́ ɓɛ́ ńdɛsĩ̀riè ɓɛ́kùi ɛ́ pe hṹn ɲunù iè dìcóoní, ɛ̀ bòo lɛ ɛ́ ɓɛ́ dàa míkùi ɛ́ ɓɛ́ wóò páaní sankɛ. Ɓɛ̀ wóò yìɛní ɓɛ́ mɛhɛ̃ àá ɓɛ́ núnú hũn bòo, ɛ̀ kóo màa ɓánlɔ̀n ɛ̀ sankɛ ɓán hũn, hɔ́rɔ wóò yí ɛ̀ ɓáaníɓán àá bòo lɛ bòo hie piè lɔ̀n.

Ɛ́ nìnbírɔ yée nìnbírɔ kɛ́ á vɔn Ɲunsɔ yèrè á ɛ́ fuen.”

Ɛ̀ lè wurù ɛ́ ɓén zɛ̀ní ɛ́ wé síbínú, Ɛ̀ lè ńpĩ́ihṹ ɛ́ wé dɛ̀miì kɛ̀a hɔ cãani bòo sí, Hɔ̀pe sí míkùi ɛ́ ɓén wé kɛ́ á Ɲunsɔ wurù lɛ á vaá-ɓen hũn Ɛ́ ɲɛun yí ɓen dɛ̃ wɛ̀. Lè ɓén wé sí-bɛhɔ́, lè ɓén wé Dɔfĩn ɓàarɔ́ sí.