Versets bíblics populars de रोमानियनमन 3

Comparteix

इ लगिन कि सोउब पाप काइर हैं आउर परमेश्‍वर केर महिमा से दूर अहैं। मगर परमेश्‍वर अपन किरपा से हमरे के हमर पापमन केर दंड से छुटकारा यीशु मसीह केर जरिया से देलक, आउर परमेश्‍वर हमरे के हमर बेगर कोनों काम करले धरमी ठहरालक।

मतलब परमेश्‍वर हमरे के तब धरमी ठहरायला जब हमरे यीशु मसीह उपरे बिसवास करिला, चाहे हमरे यहूदी हेकी चाहे परजाइत हेकी, इकर कोनों भेद-भाव नखे।

परमेश्‍वर यीशु मसीह के हमरे केर मुक्ति खातिर क्रूस उपरे बलिदान होवेक लगिन भेजलक, आउर मसीह अपन लोहू बहाय के इ लगिन बलिदान देलक, ताकि उकर उपरे बिसवास काइर के हमरे परमेश्‍वर केर भीरे आवेक पारब। ढेइर पहिले परमेश्‍वर इ बताएक लगिन एइसन करलक कि उ धीरज धारेक में आउर पापीमन के माफ करेक में सच्चा रहे, इकर से इ हों पता चलेला कि परमेश्‍वर सही अहे, जब उ, उमन के अपनायला जेमन यीशु उपरे बिसवास करैना।

इ लगिन कि मूसा केर नियम के पूरा करेक से केऊ आदमी परमेश्‍वर केर सामने धरमी नी ठहरी, काले कि मूसा केर नियम हमरे के बतायला कि हमरे पापी अही।

जइसन कि पवितर किताब में लिखल अहे, “केऊ परमेश्‍वर केर देखेक में धरमी नखे, एक झन हों निहीं। केऊ एको झन हों समझदार नखे जे इ बुझेक पारी कि का ठीक हेके, केऊ हों परमेश्‍वर के जानेक नी चाहैना। सोउब परमेश्‍वर से दूर भटइक गेलैं, आउर सोउब नालायक बाइन गेलैं, केऊ भलाई करेक वाला निहीं, एको झन निहीं।

इ लगिन हमरे इ बुइझ गेली कि आदमी मूसा केर नियम के पूरा करेक से निहीं, मगर यीशु मसीह उपरे बिसवास करेक से धरमी ठहरेला।

निहीं! बिलकुल निहीं! परमेश्‍वर हमेशा सच बतायला जइसन पवितर किताब में परमेश्‍वर केर बारे लिखल अहे, “तोर बचन तोके धरमी ठहरायला आउर जब तोंय न्याय करिसला तब तोंय जीत जाइसला।”