Versets bíblics populars de २ थेसालोनिकि 2

खानि साङा चा खोना रिङ्‌लाम्‍मा चा धोका मापिडिन्‍चा, पोङ्‌भोने माङ्‌हाङ्‌ङाना बिरुद्‌दाङि ठेना काचिङ्‌गाल मिलिए हिट्‌नुङ् जाखाम्‌ङि ठाना धारमाबिधि मानाँ काचोक्‌निबा मिठेट्‌ने सोम्‍मा टाङ्‌बाङाना हिट्‌ना लेम्‍बा टानिना॥

टाङ्‌बाङा माया माचोगिगा भुम्‍बु-झान्‍झाचि हिट्‌नुङ् आनो-आन्‍झाचि, खानि लोङ्‌सा आन्‍याँ सोरोक् पोए-पोए ठाङ्‌मा डोक् कोन्‌युक्, पोङ्‌भोने उटुम्‌लाम्‍मा डोक् सेङ्‌सेङ्‌ना हाङ्‌साङा चोखो चोक्‍माना टोॽवालाम्‍मा हिट्‌नुङ् छेम्‍बाना खाबोरङाना बिस्‍वासलाम्‍मा हिङ्‌माउङ्‌सा माङ्‌हाङ्‌ङा खानि मासेगिए॥

हिट्‌नाँ माङ्‌हाङ् बिरोध चोगुटु हिट्‌नुङ् याप्‌मिचिङा माङ्‌हाङ् नुङ् उमिट्‌टुगा ख्‍वाप्‍पा थोक्‌चि हिट्‌नुङ् माङ्‌ध्‍यान् ओचोगुगा सोब्‍बे थोक्‌ङाना बिरोध चोगुटु, हिट्‌नुङ् हिट्‌नाँ आप्‍पे लोङ्‌सा सोब्‍बे नुङ्‌ना ठेना चोगुटु॥ नाट्‌टेप्‍मा एरोक् माखाक्, हिट्‌ना माङ्‌हाङ्‌ङाना माङ्‌ठानाङि युङ्‌युक् हिट्‌नुङ् आङा डोक् माङ्‌हाङ् पिक्‍सा माट्‌टुटु॥

हाट्‌ले आनि टाङ्‌बा येसु खिरिस्‍ट आप्‍पे हिट्‌नुङ् माङ्‌हाङ् आनि पाबा जुन्‍ङा आनि माया आचोगे, हिट्‌नुङ् उन्‍ङा दाया आचोक्‌युङ् खोना बेला चा लाट्‌निना आँट् लोक् छेम्‍बाना आसा आपियाक्॥ उन्‍ङा डोक् सोब्‍बे ओचेट्‌नुगा रिङ्‌चि चोक्‍मा हिट्‌नुङ् माप्‍मालाउङ्‌सा आँट् लोक् बोल् खानि मापिड्‌याक्॥

हिड्‌डेउङ् हिट्‌नागाँ माङ्‌जोगा रिङ् डोक् बिस्‍वास ओचोग्‍वाक् नुङ् माङ्‌हाङ्‌ङा हिट्‌नागा उन्‌चि निङ्‌ग्‍वाङि फाम्‍लेङ् चोगुचिगा रिङ् ठेन्‍डुबिडुचिचि॥

हिट्‌ना धारमाबिधि मानाँ काचोक्‌निबा सैतानङाना साक्‌तिलोक् टायुक्, हिट्‌नुङ् हिट्‌नाङा सोब्‍बे पारिक्‍गा माङ्‌जोगा चिन्‍नाचि हिट्‌नुङ् डोङ् ठोङ्‌डिगा टोॽवाचि चोगुटु॥ हिट्‌नुङ् जाखाम् लिसिना लाम्‍बोङि उलिगा सोब्‍बे हिट्‌नाँ ख्‍वाप्‍पा ओचाफेन्‍गा टोॽवाङा सुबुचिचि॥ हिट्‌नागा जाखाम् उलियुक्, पोङ्‌भोने हिट्‌नागाँ छेम्‍बाना रिङ् लाट्‌मा हिट्‌नुङ् हिट्‌नालाम्‍मा हिङिना रिङ् ओलाडुवाट्‌टुन्॥

हिट्‌ना भेन्‍ना याप्‌मिङाना ओबोल्‌ङाना टोॽवा पाइले डोक् सोगोप् चोगुएट्‌टु॥ टरो हिट्‌नाङाना ओबोल् जुन्‍ङा छाक्‍टुएसुए माङ्‌हाङ्‌ङा हिट्‌ना मिहोट्‌ङे सोम्‍मा हिट्‌नाडे डोक् लियुयाक्‌युक्॥