Versets bíblics populars de Ja̰ 15

Comparteix

«Ɨŋ-bandi, ɨŋ na hɨyadi suru bɨ, kɨŋ na karɨn̰ kobi bɨ. Ungo gɨ na bugoŋ pɨna danaŋ bɨ, ɨŋ na bugoŋ pɨna danayi bɨ na, kɨya wɔyɛ na hɨn̰ hɨyadi suru gɨ wɔɔ karɨndi tɔgɨ wo̰. Kɨya wa dɨle ɨŋ-bandi na, kɨŋ kɨya ɓale lɔɔ hɨnga pɨna cay gusɨgɨŋ naŋ.

Bugoŋgɨŋ pɨna danaŋ hɨn̰ gɨ ɨŋ ba bugoŋ pɨna danagɨŋ wo̰ bɨ. Kobɨ hɨyadi suru kɨya wɔɔ karɨndi cay gusi naŋ. Ama kɨya wɔɔ karɨndi na kɨɗɨn̰ ga ban na bugoŋ pɨna dan̰ hɨyadi suru dɨm. Hɨn̰ wo̰ na kɨŋ kalɨn̰ ma, kɨŋ na bugoŋ pɨna danaŋ naŋ na, kɨŋ kɨya wɔyɛ na hɨn̰ hɨyadi suru gɨ ɓala wɔɔ karɨndi cay gusi naŋ wo̰ bɨ.

Hɨn̰ gɨ kɨŋ na bugoŋ pɨna danaŋ bɨ, kɔl hɨnge nɔm na bugoŋ pɨna danagɨŋ bɨ na, ɨngɨrgɨŋ hɨnga ga kuduroygɨŋ gey ƴɔbɨ, kɨŋ kɨya wɔɔ.

Na kɨŋ-gandi ba dɔrɔŋ naŋ, ama na ɨŋ-bandi ba torgɨŋ. Ɨŋ sɨgɨŋ ɗe gɨ kɨŋ na ɨra bɨ, kɨŋ na wɨya hɨn̰ hɨyadi suru gɨ wɔɔ karɨndi bɨ, ɗe gɨ wɔɔdi kardi na sɨngɨɗɨ bɨ. Kɨɗɨn̰ ga nee le, Banɨ kɨya bɨgɨŋ hɨnga nɔm ga kɨŋ kɨya ɨngɨrii dan̰ gusoŋnɨ.

Geye gɨ gumu ɗɨn̰ geye gɨ ungo gey ka-pogɨn̰ii bɨrɨŋ ɗen̰ gusi bɨn̰ tɨma le unɔ.

Kobɨ hɨyadi suru gɨ ani ani, gɨ na jɨbɨ tɨlanɨ ma na wɔɔ karɨndi naŋ na, Ban kɨya sɨdɨrde bɔgɛ coŋ. Ama kobɨ hɨyadi suru gɨ ani ani gɨ na wɔɔ karɨndi na, Ban kɨya n̰ane ɗe na wɔɔ karɨndi orɨn̰ jɨn̰ tumɔ tumɔ coŋ.

Sɨlagɨŋ te tumɔ tɨnge le ba kɛ: Geygɨŋ gusɨgɨŋ hɨn̰ gɨ ɨŋ ba geygɨŋ wo̰ bɨ.

Hɨn̰ gɨ kɨŋ naa ka-aye-cay-tɨbanɨ leen̰ cɨndi na, kɨŋ kɨya wɔyɛ naa hɨn̰ hɨyadi suru gɨ wɔɔ karɨndi kondɨ bajag bajag wo̰. Hɨn̰ wo̰ na gusoŋ-tɔgɛ gɨ da Banɨ kɨya andaŋ cɨn̰ kalaŋ nɔm.

Jesu ye ɗaŋ coŋ: «Ɨŋ na hɨyadi suru gɨ cɨndi bɨ, Banɨ na Ba-gulɔŋ yagedi suru bɨ.

Hɨn̰ gɨ ungo na bugoŋ pɨna danaŋ naŋ na, kan kɨya dɨbiige coŋ kardi yagedi suru gɨŋ ɗe hay. Karɨn̰ kobɨ hɨyadi suru ga hayi le, kan kɨya lɔbɛge dayege daa ulege mɨɗɔgɨ mɨɗɔgɨ coŋ.

Ɨŋ yəgɨŋ kɔl gɨ nee le, na ɗe gɨ gusi-mɔwa tɨnge na ƴee gusɨgɨŋ bɨ, ɗe gɨ gusi-mɔwa togɨŋ na duroŋ cɨrɛɗ bɨ.

Hɨn̰ gɨ kɨŋ na aya te tumɔ tɨnge laan̰ gɨye na, Kɨŋ kɨya sɔmɛ duroy geye hɨnge gɨŋ bɨ. Hɨn̰ gɨ ɨŋ-bandi kalɨn̰ ma, ɨŋ ba ay te tumɔ nɔm di da Banɨ leen̰ gɨye, ma maŋ ba somɨn̰ duroy geye koyi gɨŋ wo̰ bɨ.

Te tumɔ di ɨŋ ba bɨgɨŋ ba kɛ: Geygɨŋ gusɨgɨŋ.»

Tumɔ kɨŋ ni naa kalaŋ kage na, kan ni kɨya geygɨŋge, kɨya wa kɨŋ na kage. Ama kɨŋ na kalaŋ kage naŋ, kɨya wa ɨŋ torgɨŋ na duroyge. Na toy di hɨn̰ wo̰ ma, kan ƴomgɨŋge dan̰ kuduroyge.