Versets bíblics populars de Epɛs 6

Comparteix

Kɨya wa kalaŋ ga na ba kɨya wɔrɨn̰ɛ danage le, na kalaŋ ga ɨndəŋ ga ɨran̰ge dan̰ kuyoŋdi-gusɨge naŋ bɨ, kɨbar naŋ bɨ, ama na dɔnɔ ga ɨsɨndəŋ ga na ka-dɔɔ cay ƴaa bɨ, ka-gulɔŋ hɨnga nɔm bɨ, kɛrɨmbɛlɛŋ ga a duroy dɨlɨm dɨŋ bɨ, turnɔ ga ɨsɨn ga somge gɨɗɨgɨ-Kumu gaŋ bɨ le.

Ɗagɨŋ Turnɔ ɗe-kuduroy-bɛrɛ ɗe dor tumoy ɔlɛ Kumu kogɨŋ bɨ, dan̰ tɨwa nɔm ɨngɨrɨn̰gɨŋ Kumu dan̰ gɨyəŋ gɨ da ɔlɛ bɨ, ɨngɨre bɨ gɨ toy kan̰di kan̰di. Naa hɨn̰ wo̰ na sɨmagɨŋ dan̰ toygɨŋ daa bɨ, dɔrɛgɨŋ gɨlale a cay ɔlɛ Kumu gɨŋ naŋ bɨ, ulayigɨŋ kɨya cay kan ga woyge dan̰ cɨndɨge nɔm bɨ.

Tɨbagɨŋ hɨnga ga ni wɔrɨn̰ɛ ga da Kumu nɔm a gusɨgɨŋ, ɗe agɨŋ ɨrɨn̰ osu bɨ, mɨn̰ɨn̰ jɨba da haban̰ bɨ.

Kɨya cay kɔl gɨ nee le na, tɨbagɨŋ hɨnga ga ni wɔrɨn̰ɛ ga da Kumu gusɨgɨŋ, ɗe gɨ wɔlɛ gɨ ɨsɨni gɨŋ na, agɨŋ ɨrɨn̰ osu bɨ, ɨrɨn̰ cɨndɨne daa bɨ, a duroy kɨmbɨl gɨ nee nɔm bɨ.

Ayagɨŋ mala di na aye kudurɔ kogɨŋ le, ɨrɨn̰gɨŋ cɨn̰ hɨnga nɔm. Kɨŋ kɨya bayɨn̰ tɨwadi ɗɛsɛ di sayga gusi Haban̰ Ba-lɔɔ ɨsɨna. Kagadi gɨŋ na, dɨbagɨŋ jagɨwa ga ni pɔɗɛ ga kɨŋ poɗɨn̰ le caygɨŋ bɨ, ayagɨŋ pəlɨm di na kɔl gɨ da Kumu gɨ Turnɔ di da Kumu bɨgɨŋ le kobɨgɨŋ bɨ.

Na toy di hɨn̰ wo̰ ma sɨmagɨŋ cay tɨbaygɨŋ dɨŋ, sɔndurɔŋ gɨ ni saɗɨn̰ te wɨrndɨgɨŋ na kɔl gɨ cɨndi bɨ, badɨge ga ni nare kagɨŋ na gɨye-lɔɔ gɨ dan̰ durɔ ɗɨngar bɨ, gɨyabe ga ni tɨbaygɨŋ na gusi-hɨmbalwa di kɨŋ orɨn̰ te tɔgɛ bɛrnɛ di da Kɔl-gɨ-Ɗari gɨŋ gɨ bɨn̰ kalaŋ gusi-dɔbɛ bɨ.

Kagadi kɔl hɨnge ba kɛ: Daragɨŋ togɨygɨŋ na duroy te bugoŋ pɨna kogɨŋ gɨŋ dan̰ Ba-gulɔŋ bɨ, a gusi tɔgɨ toyi di ɗɨn̰ hɨnga nɔm bɨ.

«Aya cay ban̰ dan̰ ƴon̰ daa» gɨ nee lee ma na te tumɔ di cay wase di Kumu ye gɨ ɗi na kɨya lɔɔ hɨnga kol caa le. Te tumoyi di ban ay kol caa le ba kɛ: «Ɗe agɨŋ somɨn̰ duroy ulugɔm dɨŋ bɨ, somɨn̰ kardɨgɨŋ sɨngɨɗɨ cay gɨsəŋ gaŋ bɨ.»

Karɨn̰aŋ, jagɨŋ kɔl kɨbɨ kandɨgɨŋ ka-woogɨŋ, dan̰ te bugoŋ pɨna kogɨŋ dan̰ Ba-gulɔŋ. Na hɨnga ga nee le ma na hɨnga ga dan̰ gɨyəŋdɨge.