Versets bíblics populars de Rom 15

Comparteix

Wɛ nam ye teena tu, ye wonto wó pa abam taa jege wopwolo de bochare-zuru, á na jege wo-dedoa ded‑o to ŋwaane. Wɛ Sin-laao kom dam laam wó pa se á na jege teena de Wɛ tei to fɔge ko puli ko ja gaale.

Kolo maama déem na popone Wɛ tɔnɔ kom wone to ye se ko bere debam Wɛ chega kam mo. Kolo na popone da to yeini ko pa dé na pu-dɛa de baare, pa se dé jege teena Wɛ tei ne.

Wɛ mo ye wolo na pae nɔɔna pu-dɛa de baare to, ye wonto wó pa abam taa jege boboŋe dedwe daane, ne Yezu Krista na lage tei to. Ko laam wó pa se abam maama sɛ daane ye á jege ni dedwe á ma‑á zuli Wɛ wom na ye dé Teiru Yezu Krista Kwo to.

Jwoŋi-na daane lanyerane, ne Yezu Krista na jwoŋi abam tei to. Konto wó pa se Wɛ na zula.

Debam maama nam jege se dé taa ke kolo na tɔge dé dwoŋi boboŋa na lage tei to mo, ye dé ke‑o lanyerane se ko pa o fɔge o tɔge Wɛ chwoŋa.