Versets bíblics populars de Obadia 1

Comparteix

Ko daare Zion peo kom ne mo nɔɔna wó na verem. Jei sem konto wó taa ye wose se pa-ne. Jakob dwi tiina bam wó jwoori ba jwoŋi ba tega kam balo na vere-ka to tei ne ba taa tei.

“Amo BAŋA Wɛ dɛ dem lage de yi se a di logo baŋa dwi maama taane. Edom tiina bam, á de wó na á nyem, nenɛɛne á na ke nɔɔna badwonna tei to. Á keim-balwaaro tem lage te jwoori te to á tete yuu ne mo.

Abam bere á tete kamunim. Á nam jege á tete mo á gana. Á zoore peero bɔɔna wone, dedaane peero tem yuu ne wɛ-wɛ. Á boŋe á wone we, nɔɔn-nɔɔno bá wane abam o vaare o de tega ne.

Abam ná maŋe á di wɛyuu, nenɛɛne maao na jaane wɛ-wɛ tei to, naa á ná lage á sɔ pwogo chalechwe sem tetare ne de, amo ta wó vaare abam a de tega ne.” BAŋA Wɛ na tage tei to mo konto.