Versets bíblics populars de Matiyu 1

Comparteix

O lage o lo bakeira mo, se n pa o yere we Yezu, kolo ŋwaane o wó ba o jwoŋi o nɔɔna ba wɛleera wone o yage.”

“Busankan-pwola wó ba o ja puga o lo bakeira. Ba maa wó bwoŋi bu wom yere we Imanuwel.” O yere dem konto kuri mo ye ‘Wɛ wora dedaane debam’.

O na maa boŋe konto to, Baŋa Wɛ maleka ma ba o tei o dendwɛ wone, ye ka ta ded‑o ka we, “Josef, nmo na ye Pɛ David dwi tu to, yé pa se n wo chɔge se n kwei Mary n ma‑n ji n kaane. O na jege puga kam to, ko ye Wɛ Sin-laao kom mo pɛ ko ke konto.

Ba na loge Yezu Krista tei to mo tento. O nu Mary de Josɛf tiina maama déem ya sɛ se ba pa ba zo daane, ye Mary ta wo vei o baro wom tei. Maŋa kam konto ne o laam ma ba o ja puga Wɛ Sin-laao kom dam ŋwaane. Josɛf wolo o na lage o zo to maa ye nɔn-ŋom. O maa ba lage se o pa chaveera ja o kaane wom nɔɔna maama yiga ne. O ma boŋe se o daane o yage‑o.