Versets bíblics populars de Jɔn 17

Comparteix

Fɔge n kwɛ-ba de n chega kam se ba taa ye nmo nyem. Nmo ni taane dem ye chega mo.

Ŋwea kalo na ba jege kweelim to mo ye se nabiina taa yei nmo wolo yerane na ye chega tu Baŋa Wɛ to, se ba daare ba taa yei amo, Yezu Krista wolo nmo na toŋe to.

Amo nam ba lwoori nmo a pae banto yerane, se ko ye balo de na wó ba ba sɛ amo banto taane dem ŋwaane to mo. Amo nam lwoori nmo se ko pa ba maama taa ye woŋo dedoa mo. Amo Kwo, nmo me de amo, ye amo tigi nmo bochare ne. Nam pa se banto me de debam konto dwoŋi. Konto wó wane ko pa se logo baŋa nɔɔna sɛ we, nmo mo toŋe-ne.

Ko nam dae we a lwoori nmo se n le-ba logo kom baŋa ne. A nam lwoori‑m se n che-ba wo-lwanno tu setaane jeŋa ne mo.

Amo pɛ-ba nenɔŋ-fɔrɔ kolo dwoŋi nmo na pɛ-ne to, se ba wane ba ji woŋo dedoa, ne amo de nmo na ye woŋo dedoa tei to. Amo me de-ba, ye nmo me de amo, se ko pa ba taa tiini ba ye woŋo dedoa, se logo baŋa nɔɔna wane ba lɔre we nmo mo toŋe-ne, ye n jege nmo nɔɔna bam swono, nenɛɛne nmo na swoi amo tei to.