Versets bíblics populars de Hiburu 1

Comparteix

Wɛ Bu wom maa jege pwooni delo na bere Wɛ nenɔŋ-fɔrɔ kom na ye tei to. O maa jege o Kwo Wɛ nyenyego chekke, pa se dé lɔre Wɛ na ye tei to ja. O ni taane maa jege dam ye de pae se wonnu maama taa fɔge te wora taa taa. O ma ba o saare nɔɔna wɛleera pa ba bochara fɔge ya kwɛ, ye o laam daare o jwoori o di wɛyuu o vo o jeini Baŋa Wɛ jazem seeni.

Faŋa faŋa to, Wɛ déem tɔge o sampwori sem baŋa ne mo o ŋɔɔne dedaane dé nabaara bam. O déem yeini o da chwei dwi dwi mo o ŋɔɔne de-ba kuni dedɛ. Ko daare leile konto, logo baŋa kweelim da yam na daare fee maŋa kalo to, Wɛ laam ma pa se o Bu mo ba o ŋɔɔne o taane de debam. Wɛ dɛ wonto ŋwaane mo o ke logo baŋa de wɛyuu wonnu maama, ye o tiŋi‑o se o ba o taa tei wonnu telo maama na wora to.

Wɛ malese sem nam na ye tei to, se maama ye balo na toŋe ba pa Wɛ to mo. Wɛ maa yeini o toŋe-se se se vo se woli balo o na tiŋi o ni we, omo wó jwoŋi-ba o yage to.

Wɛ ta tage dé Teiru wom taane o we: “Boboa ne to, nmo déem mo chwi tega kam kuri, ye n ta kwori n ma n jea n naane wɛyuu wonnu maama. Wonnu tem konto maama wó ba te chɔge, ko daare nmo ta wó ta‑n wora taa. Wonnu tem konto maama wó ba te zareme ne gɔrɔ na yeini ko zareme tei to.