Versets bíblics populars de Galatia 2

Comparteix

Ba déem na page Yezu Krista dagara yuu ne pa se o te wɛɛne to, ko nye de amo tɔge ded‑o mo a te. Amo tete daa ba jege ŋwea, ye Yezu Krista nam mo wo a bochare ne o ŋwe. Amo na jege ŋwea logo baŋa ne tei to, ko ye amo na ke a wo-dedoa a sɛ Wɛ Bu Yezu to ŋwaane mo. Wonto jege amo swono, ye o sɛ se o te se o wane o jwoŋi a ŋwea o yage.

Amo bá sɛ se a ve Wɛ zaane dem o na pɛ-ne to. Nɔɔno nam ná wane o na chega Wɛ tei ne de o na tɔge o ni-kaana yam tei to, ko ya wó bere we Yezu Krista toone dem ye kafɛ mo.

Ko ye chega mo, ba loge debam Juu tiina dwi wone mo, ye dé dae dwi-gɛ tiina balo na yeiri Wɛ nia yam to. De konto de, dé laam tu dé lɔre we, nɔɔno wó na chega Wɛ tei ne mo de o na ke o wo-dedoa de Yezu Krista to, se ko dae o kikia na tɔge Wɛ ni-kaana yam to ŋwaane. Konto to, dé tu dé ke dé wo-dedoa dé sɛ Yezu Krista, se ko pa dé na chega Wɛ tei ne. Dé daa ba nia Wɛ nia yam tɔgem kikia na ye tei to, kolo ŋwaane dé yei we, nɔɔn-nɔɔno bá wane o na chega Wɛ tei ne o kikia na tɔge o ni-kaana yam tei to ŋwaane.