Versets bíblics populars de Kolosia 1

Comparteix

Dé Kwo Wɛ ma vere debam lim wone o yage, se wo-lwanno daa yé taa jege dam dé baŋa ne. O ma daare o ja debam o zo o tete Bu-swono kom paare dem wo.

Wɛ dɛ wonto ŋwaane mo o ke wonnu maama. Te maa ye wonnu telo maama na wo wɛyuu ne de tega baŋa ne to, de telo nɔɔna na wae ba nae de yia, de telo ba na ba nae to, ko woli de malese, de wonnu telo maama na jege dam nabiina baŋa ne to. Ko ná ye wonnu telo maama na wora to, Wɛ dɛ Yezu ŋwaane mo o ke-te se ko pa o na zula te baŋa ne.

Yezu maŋe o wora mo boboa ne ye kolokolo ta tera. Ko ye wonto ŋwaane mo wonnu maama jege kuri lanyerane ye te toŋe te tɔge daane.

Yezu yɔɔre o jege Baŋa Wɛ nyenyego, ye nabiina yia na‑o. Nɔɔn-nɔɔno nam ba nae Baŋa Wɛ tete. O ye Wɛ Bu-doa mo ye o zege wonnu telo maama Wɛ na naane to yiga ne.

Abam na yɔɔre á tɔge Yezu konto to, dé yeini dé lwoori Wɛ mo maŋa maama dé pa abam, ko zege maŋa kam dé na lɔre abam ni ne to. Dé lwoori‑o se o pa á ta‑á yei o boboŋa na lage tei to, se o daare o pa á na swa de yi-poro maama, ne o Sin-laao kom na pae tei to. Abam laam wó wane á tɔge chwoŋa se ko maŋe de dé Teiru wom na lage tei to, ye á kikia maama wó su o yi. Dé lwoori Wɛ se o woli abam se á ta‑á ke totoŋ-laaro dwi dwi lanyerane, se á boboŋa taa pula maŋa maama Wɛ taane wone.