Versets bíblics populars de Kikia 1

Comparteix

Wɛ Sin-laao kom nam wó ba abam baŋa pa se á jwoŋi dam Wɛ tei ne. Abam laam wó daare á zege amo chega kam kwaga ne á bere nɔɔna jei maama ne. Ko wó taa ye Jerusalem ne, ko woli de Judea de Samaria teene dem maama ne, de logo baŋa jei maama ne.”

Yezu ma leiri-ba o we, “Ko dae se abam mo lɔre maŋa kalo wonnu tem na wó ke to. Amo Kwo Wɛ nam mɛ o tete dam mo o tiŋi da yam pa se woŋo maama ke ko maŋa ne.

Dɛ dedwe Yezu na wora o bere-ba konto to, o ma kaane-ba o we, ba yé zaŋe ba nwoŋi Jerusalem wone. O maa we, “Cheigi-na se a Kwo Wɛ laam zeini abam, ne o na pwooli se o ke o pa abam ye amo maŋe a bere abam ko taane to. Jɔn déem yeini o kwei na mo o ma pa nɔɔna sɛɛm Wɛ ŋwaane. Ko laam daare da fenfee mo se Wɛ pa abam o Sin-laao kom se á ma á jwoŋi sɛɛm.”

O toone dem kwaga ne o daa ma kwei o tete o bere o nɔɔna bam kuni dedɛ. O na ke tei konto to bere lanyerane we o seene o bi toone wone. Da finna mo o tontoŋena bam déem wane ba na‑o, ye o ŋɔɔne Wɛ paare dem taane o bere-ba.

Yezu déem na ŋɔɔne konto de-ba o ti to, Wɛ ma kwei‑o o jege o diini wɛyuu ye ba zege ba nii‑o. Kunkwoŋo ma ba ko li‑o pa se ba daa ware ba na‑o.

O na maa viiri konto to, ba daa ta ma kwoni ba yuni ba nii wɛɛne. Ba na wora ba nii konto to, nɔɔna balei ma pɔpɔ ba ba ba zege ba tei ne. Ba déem zo gare-pwonnu mo. Ba ma ta ba we, “Galili tiina bam, bɛ mo ye á zege ywoba á kwoni á nii wɛɛne? Abam na nɛ kolo to, ko ye Wɛ mo kwei Yezu o ja di telaao. Wonto tete nam wó seene o jwoori o ba konto dwoŋi, ne abam na nɛ o na maa viiri tei to.”