Versets bíblics populars de 2 Korinti 1

Comparteix

Pa-na dé ke Wɛ lei. Wonto mo ye dé Teiru Yezu Krista Kwo, ye o daa ta ye debam Kwo wolo na jege dé ŋwaŋa to. O maa ye Wɛ wolo na zeini nɔɔna dedɛ se ba bochara peini tega ne. Dé ná wo yaara yalo maama wone, wonto mo yeini o pa dé bochara peini tega ne, se ko pa dé wane dé zeini balo de na wo yaara dwi maama wone to se ba de bochara peini tega ne. Dé wó tɔge zeinim delo Wɛ na maŋe o pa debam tete to baŋa ne dé zeini dé dwonna bam konto.

Yezu Krista na tiini o yaare to, debam de tɔge dé na ya dwoŋi. Dé na me ded‑o to, dé ta wó tɔge dé na zeinim dedɛ Wɛ tei ne, nenɛɛne o na zeini Yezu Krista tei to.

Dé nam na zege toone yiga ne konto to, ko ye se ko pa dé daa yé taa boŋa dé tete dam na ye tei to, se dé daare dé ke dé wo-dedoa de Wɛ, o na jege dam se o pa nɔɔna bi toone wone to ŋwaane.

Ko ye Wɛ mo pae se dé tɔge de abam dé zege lanyerane Yezu Krista ŋwaane. Ko ta ye wonto mo kuri debam se dé taa ye o nyem. O ma zeini debam de dam, se o ma ke maana o bere we, dé seene dé ye o nyem. O ma daare o ke o Sin-laao kom debam bochara ne, se konto da yiga ko tiŋi chwoŋa se ko pa dé lɔre we, dé laam wó ba dé na Wɛ wo-laaro tem maama.

Konto ŋwaane, debam ná wo yaara wone, ko ye se ko zeini abam mo se á bochara peini tega ne, se ko daare ko pa Wɛ jwoŋi abam ŋwea. Wɛ nam ná pɛ dé bochara peini tega ne, ko ye se abam de na zeinim konto dwoŋi, se á wane á na dam á vɔ á wo á zege lanyerane de yaara yalo dwoŋi debam de na nɛ to.