Versets bíblics populars de 1 Tim 3

Comparteix

Ko seene ko ye chega mo we, Wɛ tɔgem ye wo-kamunu mo. Wɛ laam mo pɛ se dé lɔre wolo o na toŋe debam nabiina tei ne to: Wonto mo jigi nabiinu. Wɛ Sin-laao kom ma bere we o jege chega. Wɛ malese ma na‑o. Nɔɔna ma ja o kwora ba zo teene maama wo ba tɔɔle. Nabiina ma sɛ‑o logo baŋa ne. O laam ma di Wɛ telaao de nenɔŋ-fɔrɔ.

Konto ŋwaane, Yezu kɔgɔ kom yiga tu jege se o taa ye nɔn-ŋom mo nɔɔna maama tei ne. O nam jege se o taa jege kaane dedoa yerane mo. O ta jege se o taa ye nɔn-yero, de jawale-nyeno wolo na wae o tete o jaana to mo. O jege se o taa jeeri veira mo o sɔŋɔ ne lanyerane. O jege se o taa yei nɔɔna berem mo chekke.

O jege se o taa wae o nii o sɔŋɔ tiina baŋa ne mo lanyerane, se o daare o pa o bia taa nege‑o dedɛ.

Yezu kɔgɔ kom wolim tu jege se o taa jege kaane dedoa yerane mo, se o daare o taa wae o nii o bia de o sɔŋɔ tiina maama baŋa ne lanyerane. Kokuri mo wolim tu wolo maama na toŋe o totoŋa lanyerane to wó na yere. Wonto wó na zula dedɛ nɔɔna tei ne, ye o daare o na baare de o na ke o wo-dedoa de Yezu Krista tei to.