Versets bíblics populars de 1 Tɛsaloni 5

Comparteix

Ta‑á jege-na wopwolo maŋa maama. Maŋa maama se á ta‑á lwoori Wɛ. Kolo maama ná kea, se á ta‑á ke Wɛ lei. Mo Wɛ na lage se á ta‑á ke tei, á na me de Yezu Krista to ŋwaane.

Baŋa Wɛ wom na pae nɔɔna bochare-zuru to wó taa jege abam de je selei, se á ta‑á jege wo-pwoŋo fase o yiga ne, se á ŋwea maama taa jege chega, ko ná ye á yera de á jworo de. Konto to, dé Teiru Yezu Krista ná tua, á bá ta‑á jege tusim Wɛ tei ne de fenfee de. Wɛ mo bwoŋi abam se á ta‑á ye o nyem. O nam zege o chega wone. O maa wó zeini abam ne o na tage tei to.

Á ta‑á yei se nɔɔn-nɔɔno yé ma wo-lɔŋɔ o ma jwoori o ŋwe wo-lɔŋɔ o pa o dwoŋi. Maŋa maama se á kwaane á ta‑á tɔge chwo-laao de á nu-bia bam, ko woli de nɔɔna maama.

Konto ŋwaane, ta‑á woli-na daane se ko pa á bochara taa tiga, se á fɔge á zeini daane ne á na maŋe á ke tei to.

Dé nu-bia bam, dé kwoori abam se á ta‑á woli nɔɔna lanyerane. Ko ná ye jawɔre-nyena, se á kaane-ba. Ko ná ye balo na kɔre foone to, se á pa ba na baare. Ko ná ye nabwona, se á zeini-ba. Ta‑á zuri-na á bochara de nɔɔna maama.

Wɛ na kuri debam se dé taa ye o nyem to, ko dae se o ban-zɔŋɔ kom ba ko chɔge debam mo. Ko nam ye se o jwoŋi debam o yage dé Teiru Yezu Krista ŋwaane mo.

Abam maama wo Wɛ pwooni wone mo, ye á tɔge wea chwoŋa. Dé nam dae tete kokoro nɔɔna, ye dé kikia dae lim wone kikia.