Versets bíblics populars de 1 Korinti 2

Comparteix

Wɛ tɔnɔ kom nam bere o swa yam taane we: “Wɛ fɔge o ke wo-laaro o tiŋi, se o pa balo na swoi‑o to. Nabiina yi wo nɛ wonnu tem konto dwoŋi, ye ba zwa wo nigi te ŋwa. Ba maa ba jege te boboŋa de.”

Wɛ Jworo kom na tere wolo bochare ne to ba sɛ se o jwoŋi ko wo-laaro tem. Te maama ye wo-jworru mo o tei ne. O bá wane o lɔre te kuri, kolo ŋwaane ko ye Wɛ Sin-laao kom mo bere te kuri chekke.

De ko de, Wɛ dɛ o Sin-laao kom ŋwaane mo o ma pa dé lɔre wonnu tem konto. Wɛ Sin-laao kom yeini ko da woŋo maama naga mo. Ko maa yei Wɛ wo de o boboŋa de.

Jworo kolo Wɛ na ke debam bochara ne to dae logo baŋa nyem. Ko nam nwoŋi Wɛ tei mo se ko pa dé lɔre wo-laaro telo o na pɛ debam zɛɛra to.

A ŋɔŋa kam de a na tɔɔle Wɛ kwora kam tei to dae swa mo a kea se a pa á sɛ taane dem. Ko ye Wɛ Sin-laao kom de o dam mo pɛ se á lɔre we, taane dem ye chega. Konto to, á na ke á wo-dedoa de Yezu to, ko tɔge Wɛ dam dem ŋwaane mo, se ko dae nabiina swa ŋwaane.