Versets bíblics populars de 1 Korinti 14

Comparteix

Wɛ lage se woŋo maama taa jege ywoni mo, se o ba lage boremaa boremaa keim.

Konto ŋwaane, kwaane-na se á ta‑á jege swono, se á daare á seene á yia se á jwoŋi Wɛ pɛɛra yalo o Sin-laao kom na pae nɔɔna to á woli da, ye ko fɔge ko dae Wɛ kwora kam tɔɔlem.

Ko daare nɔɔno wolo na wae o tɔɔle Wɛ kwora kam to ŋɔɔne o bere nabiina mo. O ni taane dem maa zeini-ba se ba taa fɔge ba zege lanyerane de pu-dɛa.

Wolo na ŋɔɔne Sin-laao kom ta-gɛ sem to fɔge o tete mo. Wolo nam na tɔɔle Wɛ kwora kam to fɔge Yezu kɔgɔ kom maama mo.

Ko ye konto mo de abam de. Abam ná seene á yia se á jwoŋi Wɛ pɛɛra yalo Sin-laao kom na pae to, kwaane-na se á tiini á ta‑á lage yalo na wó wane ya zeini se Yezu kɔgɔ kom wane ko zege lanyerane to.