ဒူအီ မိူဝ် တူ ပွိုန် ဒွါ မာဆေ၊ တဲး ဇဝ်ဖြာ ချွတ် အန်၊ ကွဲ့ တဲး အာဆာက် အန် စှိုမ်။ ဂေ ဒူအီ ဇာတ် နီ၊ ဂေ ဟဲ့ ဘူင် မှာပ် ဒွန် မျုဝ် ဘော ဝဲန် ဇဝ်ဖြာ။ ပီ ဘူင် ဂေ ဒီ ဇဝ်ဖြာ၊ န့ ပီ ပီ ဘူင် ဒူအီ အီ လုတ့် အီဘိုန့်။ ဂေ ဒူအီ ဇိုဝ် တီ ဒီ ဘော ဆာယ် ဒီ ကာလာင် ဒီ အီ ဟဝ် လွင် ညှိုမ် ဂေ ဒီ အုဝ် ဘော ဂြုဝ်း အုဝ်။ ဆေ န့ ပါယ် တီ၊ အုဝ် မိူဝ် ဒီ ဆာယ် ဒီ တဝ်း၊ ‘အုဝ် ဟဲ့ နပ် ဂေ။’ အုဝ် အီ ဟဲ့ ဘဲန် ဂွန် ဒူအီ၊ အုဝ် ဒီ ဝီ တး လူင် ဒဲင် ကာဒါယ်။ ဒေါ အန် တီ အုဝ် ဒီ ဘော ဘျ အာရူင် ဘ့လာင် ဂုန့် အုဝ်။ အုဝ် ဒီ ဘော ဒဲ့ ဂေ အာမူ အာမာတ် ဇဝ်ဖြာ အီ ဘွတ် ကာဆဝ်၊ တဲး ဂေ တး ရိုမ် ဒူပ် အုဝ်။ ဒေါ အန် တီ အုဝ် ဒီ ဘော ဆာယ် ဒီ ဂေ ဒူအီ အီ ဟဲ့ ဒွိုမ် ဆာယ် ဒီ ကာလာင် လွင် ညှိုမ် ဂေ ဒီ အုဝ်။”