Versets bíblics populars de မက 5

Comparteix

ဇဝ် ယေဆူ ဝီ တဝ်း ဒီ အန်၊ “အိုယ် ဂိုန့်၊ ကူပ် ညှိုမ် မဲ၊ မဲ ဟဲ့ ကဲန်။ တဲး နဝ်း မဲ ဒါခိုယ်။ တဲး မဲ ဝေန့်၊ ကွဲ့ ဟူ တဲး မဲ လုဝ် ခမ် ဒုက်။”

န့ မိုဝ်း ဘော အီဘိုန့် အူ ဝီ အီ တး ကာတတ် ဇဝ် ယေဆူ။ အန် မိုဝ်း ဆဝ် နှာမ် လေး အာဒါ ဂိုဝ် ဒီ အာ ဆီနမ်။ ဟဲ့ မိုဝ်း ဆာရာဝူန် ဘဲန် ဝီ ဘဲန် ဝီ အီ ဟဲ့ ထေဝ် ဒီ ဆီနမ် အန်၊ တဲး အန် ဝဲ ခမ် ဒုက် ဘဲန် မျုဝ် ဘဲန် မျုဝ်။ ခဲ့ မိုဝ်း အန် ကြုဝ်ကြာမ် မိူဝ် ဟဲ့ တူတ့်။ ဆဝ် အန် ယီ တူ ကဲန်၊ ယီ ဝီ ကြဲ ဒီ ကာဆဝ် လွှိုမ် ဘြိမ်။

အန် ဟဲ့ ဟွတ့် ပါ ခြိုင် ဇဝ် ယေဆူ၊ နှာမ် အန် ဝီ ဟိတ် အူ ဇေန့်။ အန် ဘော နပ် ဆီချာ၊ ခဲင် ဒုဝ် ဘူင့် အန် အာဝ် ဟူ မိုဝ်း ဆဝ် တွိုန်။

အန် ဝီ ပါ ဒဲ ဂွန် အီဘိုန့်၊ ဝီ တဝ်း၊ “ထာလီ ထာခူမီ၊” (လွင် ဒါင် အန် မုး၊ “အိုယ် ဂွန်၊ အုဝ် တဝ်း၊ တဲး မဲ ယိတ့်။”)

ဒေါ ကာလာင် အန် ဂြုဝ်း တီ၊ န့ မိုဝ်း ဒူအီ မင် အီ၊ ဂေ တး ကာင် အာယာအီရုတ် တွိုန်၊ အီ မုး ဒါ ကာညာ အီ အိုပ် ဇူင် ယူဒါ။ ဂေ တး တဝ်း ဒီ အာယာအီရုတ်၊ “ဂွန် မဲ ဟဲ့ ဟွတ့် ယမ်၊ အာဝ် ဟူ လုဝ် ဒဲ့ ဒါ ဆာရာ တး ဒီ ကာင် မဲ။” ဇဝ် ယေဆူ ဟဲ့ ဟွတ့် ထူမ် ဂြုဝ်း ဂေ၊ အန် ဝီ တဝ်း ဒီ ဒါ အီ အိုပ် ဇူင်၊ “ကွဲ့ ယုဝ်၊ တဲး မဲ ညှိုမ် ခဲင် နဝ်း မဲ။”

အန် တဝ်း ပါယ် တီ၊ ကူပ် ဟဲ့ ဟွတ့် တဝ်း ဇဝ် ယေဆူ ဒီ အန်၊ “မဲ ကာနမ် ဟာယ်၊ လေး တ ဒုဝ် ဘူင့် ဒူအီ တီ။” ပန် တီ ဇဝ် ယေဆူ ဝီ ဒီမွှတ် အန် တဝ်း၊ “မာဆေ ပီ စိူဝ် မဲ။း” အန် တဝ်း၊ “အုဝ် စိူဝ် ဟြဲန့်၊ ကူပ် ဟဲ့ ကိူန် ယေ။”