Versets bíblics populars de မထ 12

Comparteix

အုဝ် ယီ တဝ်း ဒီ ဘေ၊ ဆေ ဇဝ်ဖြာ ဒီ ဆုင်ဖျာတ် အာမူ ဒူအီ ဒွန် အီ၊ ဂေ ဒီ လုဝ် ကာလာင် ဂြုဝ်း ပဲ့ ဟဲ့ ဒွိုမ် ကာလာင် ဂေ။ ဂြုဝ်း တီ ဒွန် ဒဲ အီ တူ မိုဝ်း ဒီခုဝ်၊ ဂေ လုဝ် ကာလာင်၊ မှဝ် န့ ပါယ် ပီ ကာလာင် ဂေ ဂြုဝ်း တီ။ ခုဝ်၊ န့ မုး ဂြုဝ်း ပီ ဒွိုမ် ကာလာင် ဘေ အီ တဲး ဇဝ်ဖြာ ဘ့လွာ့ ဝဲန် မှာပ် ဘေ။ န့ ဘော မုး ဂြုဝ်း ဘေ အီ တဲး ဇဝ်ဖြာ ဒမ် မှာပ် ဘေ။” ခဲ့ တီ ဇဝ် ယေဆူ ကာလာင် ဒီ ဂေ ဒူအီ ခဲင် ဖိုင် ဖာရီဆဲ တွိုန်။

ဘေ ယီ ပီ ဂွန် ဟန့် ငျီန်။ ကူပ် တူ မွှိုမ် ဘေ၊ ဘေ တူ ပွိုန် ကာလာင် ဂြုဝ်း အီ မွှိုမ်။ ခုဝ်၊ မာဆေ အီ ကွယ် နုဝ့် ခဲင် နဝ်း ဒူအီ၊ မူတ့် အန် မိူဝ် နပ် ဒီ ကာလာင် လွင် အန် တီ။

ဆေ န့ မိုဝ်း ဒူအီ မွှိုမ်၊ ခဲ့ ကွယ် နာ မွှိုမ် ခဲင် နဝ်း အန်၊ န့ ဒီ ဘော လေး။ ဆေ န့ ယီ မိုဝ်း ဒူအီ တူ မွှိုမ်၊ န့ ဒီ လေး ခဲ့ ကွယ် အီ တူ မွှိုမ် ခဲင် နဝ်း အန်။

ခုဝ်၊ အုဝ် တဝ်း ဒီ ဘေ၊ ခဲ့ မိုဝ်း မှာပ် ဘဲန် မျုဝ် ဘဲန် မျုဝ် ပီ ဘူင် ဒူအီ ဘော ဂြုဝ်း စီစိဝ် ပီ ကာလာင် ဂေ ဒွန် မျုဝ် လွင် ဇဝ်ဖြာ၊ ဇဝ်ဖြာ ဒီ ဘ့လွာ့ ဝဲန် မှာပ် ဇိုဝ် တီ။ ဆေ န့ ယီ မိုဝ်း ဒူအီ၊ ဆေ အန် ကာလာင် နာ စီစိဝ် လွင် နဝ်း ဖွိုမ် ဇဝ်ဖြာ၊ မှာပ် ဇိုဝ် တီ၊ ဇဝ်ဖြာ တူ ဘ့လွာ့ ဝဲန် ဒေါ မှဝ်။ အာဆေ ဘူင် မှာပ် ဇိုဝ် တီ၊ အန် လုဝ် ခမ် ဆေဆေ မှာပ် အန် တီ။

ဇဝ် ယေဆူ ဟဲ့ ဟွတ့် ကာလာင် ဂြုဝ်း တီ၊ အန် ဝီ တဝ်း၊ “ဆေ န့ မိုဝ်း ဟေ အူ ကာဒင်၊ ဆေ ဘေ လိုမ်လာ ဟေ တီ တဲး အန် မွှိုမ်၊ ဘော ဘ့လေ အန် ဒီ မွှိုမ်။ ဆေ ဘေ တူ လိုမ်လာ ဘော တဲး ဟေ တီ လိုဝ်၊ ဘော ဘ့လေ အန် ဒီ လိုဝ်။ ပါယ် တီ၊ ဆေ ဘေ ယိုဝ် ဘ့လေ အီ ကွယ် ဒီ ဟေ၊ ဘေ ဒီ ဘော နပ်၊ ဟေ တီ ဟဲ့ မွှိုမ် တူ မွှိုမ်။