Versets bíblics populars de လက် 11

Comparteix

န့ ဘော ပါယ် တီ။ ဘေ အီ မုး ဒူအီ မိူက် ယီ နပ် ဒီ ဒွါ နာ မွှိုမ် ဒီ ဂွန် ဘေ။ ပါယ် တီ ဂုန့် ဘေ၊ အီ ကွယ် ဂါင်ဟြာဝ်၊ အန် နပ် ဒီ ဒွါ အီ မွှိုမ် လွှိုမ် တီ။ အန် ဒီ ဒွါ နဝ်း ဖွိုမ် ဇဝ်ဖြာ ဒီ ဒွန် အီ အီ မှာန့် ဒီ အန်။”

အုဝ် တဝ်း ဒီ ဘေ၊ ဆေ ဘေ မှာန့်၊ ဘေ ဒီ ပွိုန်။ ဆေ ဘေ ဟြေတ့်၊ ဘေ ဒီ ယိုဝ်။ ဆေ ဘေ ဒွယ် မာလုဝ်း၊ ဘေ ဒီ ပွိုန် ဒီ လိုပ်။

ခုဝ်၊ ဒွန် အီ အီ မှာန့်၊ အန် ဒီ ပွိုန်။ ဒွန် အီ အီ ဟြေတ့်၊ အန် ဒီ ယိုဝ် ပီ ဟြေတ့် အန်။ ဘော ဒွန် အီ အီ ဒွယ် မာလုဝ်း၊ အန် ဒီ ပွိုန် ဒီ လိုပ် ခဲင် မာလုဝ်း တီ။

ပန် တီ ဇဝ် ယေဆူ တဝ်း ဒီ ဂေ၊ “ဒေါ ဆာခိုဝ် ဘေ၊ ဘေ လုဝ် တဝ်း၊ ‘အိုယ် ဂုန့် ယေ အီ ကွယ် ဂါင်ဟြာဝ်၊ တဲး ယေ ဒူအီ မိုဝ်း နဝ်း အီ ရုဝ်ဆေ ရီမာတ် မဲ ဇဝ်။ အာခြာဝ် ဒီ အိုပ် မဲ ဒူအီ ဒဲင် ကာဒါယ်၊ တဲး မဲ တဲး န့ တး၊ တဲး န့ ဇမ်။

တဲး မဲ ဇဝ် ဘ့လွာ့ ဝဲန် မှာပ် ပဲ့ ဟဲ့ ဘူင် ယေ၊ တဲး န့ ပီ၊ ဘော ယေ ဘ့လွာ့ ဝဲန် မှာပ် ပဲ့ ဟဲ့ ဘူင် ကာလိုပ် ဒူအီ ဟဝ် ဒီ ယေ။ ယေ ဘော မှာန့် ဒီ မဲ ဇဝ်၊ ကွဲ့ တဲး ယေ ဒူပ် ဒူအီ အီ ကာဆုး ယေ ဘူင် မှာပ်။ တဲး ယေ လွတ် နာ တူ မွှိုမ်။’ ဘေ လုဝ် ဆာခိုဝ် ပါယ် တီ။”

ဒွန် ဆီငဲ ဒွန် ဆီငဲ တဲး မဲ ဇဝ် ဒွါ ပီ ဒီ ဟူမ် ဒီ ယေ။

ငါယ် ဘေ ပီ ငဝ် အွမ် တွိုန်၊ အီ တဲး န့ ဘ့လာင် တူတ့် ဒွန် ပ့လုဝ့်။ ဆေ ငါယ် ဘေ ဟဲ့ လိုဝ်း ဆီချာ၊ န့ ပီ ဒုဝ် ဘေ ဘော ဒုဝ် ဟဲ့ ဘ့လာင်။ ဆေ ငါယ် ဘေ ဟဲ့ လိုဝ်၊ န့ ပီ ဒုဝ် ဘေ ဘော ဒုဝ် ဟဲ့ အပ် ဝွင့်။

ဇဝ် ယေဆူ ဝီ တဝ်း၊ “အာဝ် မိုဝ်း အာဆေ အီ ပီဒဝ့် ငဝ် အွမ်၊ ဝီ ဘ့လေး အုန် နာ ခြိုမ်။ အန် မိူဝ် တူ ပီဒဝ့် ငဝ် အွမ် ဝီ ဆီဘ့လိုက် အုန် ခြိုမ် ဆီလယ့်။ ဒွန် အီ အီ ပီဒဝ့် ငဝ် အွမ်၊ အန် နပ် ဒီ အုန် တဲး အန် ကွယ် ဒဲင် ဒင် အန်၊ တဲး န့ ဘ့လာင် ဒီ ဒူအီ အီ တး လိုပ် ခဲင် ကာင် တွိုန်။