Versets bíblics populars de အာဒါနေလ 2

Comparteix

အန် တဝ်း၊ “အိုယ် မဲ ဇဝ်ဖြာ၊ မဲ ဘော မိုဝ်း အာငျာန် ဘော ပွုန် တာင်။ မဲ မိူဝ် ကာအာပ် ဒူအီ အိူပ် မျုက် မဲ ဆေဆေ ဒွန် စုဝ် ဒွန် ဘာန်။ ဇဝ်ဖြာ ဘော ပွိုန် ဘျွင် ပီ ပါယ် အာခြာဝ် အန်။ အန် ဇဝ် ဘော ပွိုန် ဘ့လွာ့ စုဝ်း ခုန်ဒီခမ်၊ ပီ ဝီ ပွိုန် ဒါင် ခုန်ဒီခမ်။ အန် ဇဝ် ဘော နပ် ဒီ ဒွါ အာငျာန် ဒီ ဒူအီ။ အန် ဘော နပ် ဒီ ဒွါ အီ ကာလှုး ဒီ နဝ်း ဒီ ဒူအီ အီ မိုဝ်း အာငျာန်။ အန် ဇဝ် မိူဝ် ဟဲ့ ဘျ အီ ခိုက်ခမ် ဒီ အုဝ်။ အန် ဘော နပ် တူတ့် အီ ကွယ် ခဲင် အပ် ဝွင့်။ ဘ့လာင် ဘော ကွယ် ရိုမ် ဒူပ် အန်။

အာဒါနေလ ဝီ တဝ်း ဒီ ခုန်ဒီခမ်၊ “မဲ ခုန်ဒီခမ် တာင်၊ န့ ဘော မုး ဒူအီ အီ မိုဝ်း အာငျာန် ဘော မုး ဒါ ဆာရာ ဘေဒါင် ဘော ဒါ ဆာရာ အီ ဘိုင် ကာနမ်၊ အာဝ် မိုဝ်း ခေါ အူ ဝီ အီ နပ် ဒီ ကာလာင် အီ ဟဲ့ ခိုက်ခမ် ကာဆဝ် ပီ ဒီမွှတ် မဲ ခုန်ဒီခမ် တီ။ မာလဲ၊ န့ မိုဝ်း မီ ဇဝ်ဖြာ အူ ကာဒင် အီ ကွယ် ခဲင် ဂါင်ဟြာဝ်၊ အီ နပ် ဒီ ကာလာင် လွင် အီ ဟဲ့ ခိုက်ခမ် ကာဆဝ် တီ။ အန် ဇဝ် တီ ကာလာင် တဲး မဲ ခုန်ဒီခမ် အာနေဘူခတ်နေစာ ယိုဝ် လွင် အီ ဒီ ဘုဝ် ဘဲန် နာ အာတ့် နီ ဟာဝ်။ ဒေါ တီ နီ အုဝ် ဒီ ကာလာင် လွင် ပီ မ့ဘာဝ် မဲ ခုန်ဒီခမ် ဘော ပဲ့ ဟဲ့ ယိုဝ် မဲ ဒေါ ဟဲ့ အိတ် မဲ။

အာခြာဝ် ဒေါ မိုဝ်း မိူင် ဂေ တီ၊ ဇဝ်ဖြာ အီ အိုပ် တူတ့် ဒွန် မျုဝ်၊ အန် တဲး န့ ဘဲန် မိူင် ပေါ အူ မိူင် အီ တူ ကာပျာတ့် လိုဝ် ဒေါ မှဝ်။ န့ မိူဝ် တူ လိုဝ် တူ စှိုမ် ဒီ အီ ဟဝ်။ န့ ယီ တဲး မိူင် အီ ဟဝ် ကာပျာတ့် လိုဝ် တူတ့်။ အီ မုး မိူင် ကာမာယ် တီ၊ န့ ယီ ဒီ ကွယ် ဆေဆေ။