Versets bíblics populars de အာမုဝ်ဆာ 2

Comparteix

ဇဝ်ဖြာ ပီ ဝီ တဝ်း ပါယ် နီ၊ “ဂေ ဒူအီ အီဆာရေလ ဟဲ့ ဘူင် မှာပ် ဆေဆေ။ အုဝ် မိူဝ် တူ ပိဝ် လွင် အန် တီ။ အုဝ် ဒီ ဒမ် မှာပ် ဒီ ဂေ အာခ်ု မှာန်၊ တူ တဲး ဂေ လွတ်။ ခုဝ်၊ ဂေ ဟဲ့ ဒိုဝ်း ဒူအီ အီ မိုဝ်း နဝ်း ဆိူဝ် နဝ်း မှာန် ဘော ယွင့် ဂေ၊ တဲး ဂေ ပွိုန် ရွိုန်။ ဂေ ဘော ဒိုဝ်း ဒူအီ အီ တူ မိုဝ်း မာဆေ ဘော ယွင့် ဂေ၊ တဲး ဂေ ပွိုန် ခ့လဲပ် အူ ဂူ။

ဇဝ်ဖြာ ပီ ဝီ တဝ်း၊ “ဂေ ဒူအီ ခဲင် မိူင် ယူဒါ ဟဲ့ ဘူင် မှာပ် ဆေဆေ။ အုဝ် မိူဝ် တူ ပိဝ် လွင် အန် တီ။ အုဝ် ဒီ ဒမ် မှာပ် ဒီ ဂေ အာခ်ု မှာန်၊ တူ တဲး ဂေ လွတ်။ ခုဝ်၊ ဂေ ဟဲ့ ဝဲန် ဒါရာ ဇဝ်ဖြာ။ ဂေ မိူဝ် တူ ဘူင် ဒူပ် ပီ ကာလာင် အုန် အန် ဇဝ်။ ဂေ ဘူင် ဒူပ် အီ တူ မှာန်၊ အီ ကာလုဝ် ပီ ပီ ဒွိုမ် ဘူင် ဂုန့် ဒင် ဂေ။

ဂေ ဘော ခါနှာပ် ဒူအီ အီ တူ မိုဝ်း ပ့လူမ် ဂေ ဟဲန့်၊ အီ တူ မိုဝ်း ဒူင် ဒီ ဘိုင်။ ဂေ မိူဝ် တူ ဆုင်ဖျာတ် အာမူ ဂေ ဒူအီ ဂိန်၊ တဲး န့ ဒူပ် ဒါရာ။ ဘော ဂုန့် ဘော ဂွန် အီမာယ် အန် ကာဖြူမ် ဒီ လာယ် လာယ် ဒီ အီဘိုန့် အူ ဝီ။ ပါယ် တီ ဂေ လုက်တာယ် အုဝ် အီ မုး ဇဝ်ဖြာ အီ ဘွတ် ကာဆဝ်၊ တဲး အုဝ် ဝီ ကာဒါတ့် မွှိုမ် ကာအိး။