Versets bíblics populars de ᤖᤥᤔᤡ 11

Comparteix

ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤗᤠᤶᤒᤠ ᤁᤠᤰ ᤐᤠ᤺ᤴᤜᤠ᤹ᤃ ᤋᤠ᤹᤺. ᤂᤢᤏᤧ᤹ ᤁᤢᤔᤢᤰᤛᤠᤶᤔᤡᤸᤗᤧ ᤁᤠᤰ ᤐᤠ᤺ᤴᤜᤠ᤹ ᤐᤥ᤺ᤰᤂᤧᤀᤠᤱ ᤘᤠ᤹. ᤜᤧᤰᤁᤩᤠᤱ ᤁᤠᤰ ᤐᤥ᤺ᤰᤂᤧᤒᤠ ᤐᤠ᤺ᤴᤜᤠ᤹ ᤂᤢᤏᤧ᤹ ᤁᤢᤗᤠᤃᤡᤀᤣ ᤐᤥ᤺ᤰᤂᤧᤀᤠᤱ ᤘᤠ᤹ᤖᤥ॥ ᤛᤍᤠᤍᤡᤱ ᤛᤍᤠᤍᤡᤱ ᤂᤢᤏᤧ᤹ ᤁᤢᤔᤡᤔᤡᤍᤡᤱ ᤐᤥᤱᤗᤖᤥ᥄ ᤀᤠᤔᤧᤴ॥

ᤀᤠᤰᤁᤥ ᤜᤥ᥄ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛᤡᤰᤁᤢᤶ ᤏᤡᤱᤘᤠ᤹ᤀᤡᤴ ᤏᤢ ᤁᤢᤏᤧᤜᤡᤏᤡᤱᤘᤠ᤹ᤀᤡᤴ ᤀᤠᤰᤂᤧᤴ ᤀᤡᤔᤧᤸᤗᤢᤱᤒᤠ ᤏᤢ ᤏᤡᤱᤘᤠ᤹ ᤁᤧᤔᤠᤒᤠᤒᤣ᥄ ᤂᤢᤏᤧ᤹ ᤁᤢᤄᤠᤛᤧᤴᤏᤡᤴ ᤏᤢ ᤁᤢᤗᤠᤶᤔᤡᤴ ᤁᤢᤛᤡᤱ ᤏᤡ᤺ᤵᤔᤠᤀᤣ ᤛᤢᤰᤔᤧᤍᤧᤳᤋᤡᤴᤗᤥ᥄

“ᤍᤠᤱᤒᤠᤸᤗᤧ ᤁᤢᤏᤡᤱᤘᤠ᤹ᤀᤡᤴ ᤜᤠ᤺ᤳᤗᤧ ᤏᤡᤛᤢᤀᤠᤱ ᤘᤠ᤹ᤒᤣ᥅ ᤜᤧᤰᤁᤩᤠᤱ ᤜᤠᤳ ᤂᤢᤏᤧ᤹ ᤛᤢᤈᤠ ᤁᤧᤒᤡᤒᤠ ᤐᤥ᤺ᤰᤂᤧᤀᤠᤱ ᤘᤠ᤹ᤒᤣ᥅”

ᤜᤧᤰᤁᤣᤗ᤹ᤖᤡᤰᤁᤣ. ᤁᤴ ᤕᤧᤶᤔᤥᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤔᤠ᤹ ᤋᤢᤰᤔᤠᤸᤗᤧ ᤛᤣᤃᤢᤛᤡᤒᤠ ᤁᤢᤗᤰᤌᤡᤰ ᤁᤧᤍᤠᤱᤒᤠ ᤁᤧᤕᤠ᤺ᤰᤐᤠᤜᤠ᤹ ᤔᤧᤘᤠ᤹ᤖᤥ॥ ᤜᤧᤰᤁᤩᤠᤱ ᤁᤱᤃ ᤂᤧᤱᤜᤠ᤹ᤖᤧ ᤔᤧᤈᤥᤃᤢᤒᤠ ᤕᤠ᤺ᤶᤒᤰᤗᤠᤶ ᤔᤣ᤺ᤴ. ᤁᤖ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤔᤠ᤹ ᤋᤢᤰᤔᤠᤗᤠᤶ ᤐᤥ᤺ᤰᤂᤧᤒᤠᤖᤥ॥ ᤂᤢᤏᤡ᤹ ᤕᤠ᤺ᤶᤒᤰᤗᤠᤶ ᤐᤥ᤺ᤰᤂᤧᤒᤠᤏᤧ ᤑᤠ᤹ᤃᤪ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤔᤠ᤹ ᤋᤢᤰᤔᤠᤴ ᤌᤣᤏᤠᤎᤣ ᤐᤥ᤺ᤰᤂᤧᤒᤠᤖᤥ॥

ᤁᤢᤓᤠ ᤕᤜᤢᤍᤡᤜᤠ᤹ᤃ ᤏᤢᤒᤠ ᤈᤤᤋᤢᤏ ᤛᤡᤱᤒᤢᤱᤗᤠᤶ ᤔᤧᤈᤧᤵᤋᤢᤀᤠᤱ ᤗᤠᤵᤔᤧᤓᤢᤛᤢᤒᤠ ᤛᤡᤱᤒᤥᤖᤠᤰ ᤁᤢᤀᤡᤛᤡᤰ ᤔᤧᤈᤥᤰ॥ ᤜᤧᤰᤁᤩᤠᤱ ᤂᤡᤏᤡ᤹ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤋᤠᤶᤓᤢᤱ ᤈᤤᤋᤢᤏ ᤛᤡᤱᤒᤥᤖᤠᤰ ᤜᤧᤰᤁᤣ ᤁᤧᤈᤥᤃᤡᤛᤠᤱ ᤏᤢᤒᤠ ᤈᤤᤋᤢᤏ ᤛᤡᤱᤒᤢᤱᤔᤥᤗᤠᤶ ᤌᤢᤶ ᤏᤢ ᤜᤡᤱᤔᤴ ᤂᤥᤔᤠ ᤑᤠ᤹ᤀᤠᤱ ᤂᤢᤏᤡ᤹ ᤗᤧᤰᤘᤠ ᤂᤡᤏᤡ᤹ ᤁᤧᤈᤰᤁᤠᤛᤡᤀᤠᤱ ᤁᤧᤘᤕᤡ᤹ᤖᤥ॥ ᤂᤧᤴ ᤔᤧᤈᤧᤵᤋᤢᤀᤠᤱ ᤗᤠᤵᤔᤧᤓᤢᤛᤢᤒᤠ ᤛᤡᤱᤒᤥᤖᤠ᤺ᤰᤜᤠ᤹ᤏᤢ᤺ᤸᤗᤧ ᤀᤠᤏᤡᤃᤣ ᤏᤢᤒᤠ ᤆᤥᤃᤡᤃᤧ ᤑᤠ᤹ᤀᤠᤱ ᤀᤠᤱᤍᤡᤱ ᤔᤧᤗ᤹ᤖᤧᤶᤔᤡᤶᤏᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤂᤡᤏᤡ᤹ ᤁᤢᤛᤠ᤺ᤵᤐᤡᤴ ᤁᤧᤴᤎᤖᤢᤶᤔᤡᤴ. ᤁᤖ ᤁᤢᤛᤠ᤺ᤵᤐᤡᤸᤗᤧᤏᤧ ᤂᤡᤏᤡ᤹ ᤁᤧᤎᤖᤡᤀᤠᤱ ᤘᤠ᤹ ᤁᤧᤗ᤹ᤒᤠᤴ ᤏᤡᤱᤘᤠ᤹ ᤀᤡ᤺ᤳᤋᤧᤶᤔᤧ᤹ᤀᤥ॥