Versets bíblics populars de ᤋᤥᤗᤡᤱᤛᤥᤔᤢ 2

ᤁᤸᤗᤧᤆᤥᤃᤢᤸᤗᤧ ᤔᤧᤴᤇᤠᤶ ᤕᤠᤵᤔᤡ᤺ᤸᤗᤧ ᤁᤢᤶᤒᤠ ᤁᤢᤶᤔᤠᤛᤡ ᤗᤧᤖᤢᤛᤡᤀᤠᤱ ᤁᤢᤔᤣ᤺ᤳᤋᤡᤴᤏᤢ ᤋᤱᤗᤥ. ᤜᤧᤰᤁᤩᤠᤱ ᤂᤧᤱᤜᤠ᤹ ᤗᤳᤇᤠ ᤌᤰ ᤐᤥᤱᤛᤡᤖᤥ॥

ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤐᤠ᤺ᤳᤋᤢ. “ᤔᤧᤴᤇᤠᤶ ᤕᤠᤵᤔᤡᤴ ᤀᤣ᤺ᤰ ᤘᤠ᤹ᤔᤠ ᤏᤢᤒᤠ ᤔᤣ᤺ᤴ॥ ᤀᤠᤱᤃᤠ᤹ ᤂᤧᤸᤗᤧ ᤁᤢᤗᤠᤃᤡ ᤗᤠ᤹ᤖᤢᤔᤠ ᤁᤢᤓᤠ᤹ᤒᤠᤱᤎᤡᤰ ᤆᤥᤃᤢᤱ ᤐᤡᤖᤢᤱ᤹॥”

ᤂᤧᤒᤩᤠᤱ ᤕᤜᤘᤣ ᤍᤠᤱᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤠᤶᤒᤣ᤺ᤰᤔᤥᤒᤠ ᤂᤠᤶᤔᤥᤗᤠᤶ ᤔᤧᤴᤇᤠᤶ ᤕᤠᤵᤔᤡ ᤆᤥᤃᤢ. ᤜᤧᤰᤁᤩᤠᤱ ᤂᤧᤸᤗᤧ ᤁᤢᤴᤒᤥᤀᤥ ᤜᤡᤱᤔᤴᤗᤧᤴ ᤛᤠ᤺ᤱᤃᤢᤃᤧᤴ ᤛᤰᤔᤠ ᤔᤢ᤺ᤳᤋᤢ ᤐᤡᤖᤢ॥ ᤜᤧᤰᤁᤩᤠᤱ ᤔᤧᤴᤇᤠᤶ ᤕᤠᤵᤔᤡᤴ ᤁᤢᤜᤡᤱᤘᤧᤳ ᤔᤏᤠ ᤐᤥ᤺ᤰᤂᤧᤖᤥ॥

ᤔᤧᤴᤇᤠᤶ ᤕᤠᤵᤔᤡ᤺ᤸᤗᤧ ᤐᤠ᤺ᤳᤋᤢ. “ᤁᤱᤃ ᤀᤠᤱᤃᤠ᤹ ᤀᤠᤕᤧᤵᤐᤠᤸᤗᤧ ᤁᤢᤕᤧᤵᤐᤠ ᤏᤢ ᤀᤠᤏᤧᤰᤛᤠ᤺ᤸᤗᤧ ᤁᤢᤏᤧᤰᤛᤠᤖᤥ॥ ᤂᤢᤏᤧ᤹ ᤔᤧᤴᤇᤢᤔᤠ ᤔᤧᤵᤔᤠ ᤐᤥᤱᤗᤥ॥ ᤌᤣᤀᤠᤱᤓᤧᤸᤗᤧ ᤂᤧᤱᤃ ᤕᤧᤶᤒᤡᤳᤇᤠᤗᤠᤶ ᤗ᤺ᤵᤔᤏᤠᤔᤠ ᤘᤕᤧᤖᤥ॥”

ᤂᤧᤒᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤏᤢᤛᤡᤃᤣᤰᤐᤠ ᤕᤧᤴᤏᤡᤴ ᤜᤠᤱᤘᤠ ᤔᤢ᤹ᤀᤡᤛᤠᤶ ᤐᤡᤖᤢ ᤜᤧᤰᤁᤩᤠᤱ ᤂᤧᤴ ᤛᤣᤛᤣᤒᤠ ᤆᤥᤃᤢ. ᤌᤣᤀᤠᤱᤓᤧᤸᤗᤧ ᤜᤠᤒᤠ ᤂᤧᤴ ᤕᤧᤴᤏᤥ ᤏᤠᤘᤠᤃᤧᤴ ᤆᤀᤡ᤺ᤳ ᤆᤥᤃᤢᤒᤠ ᤁᤧᤖᤧᤰ ᤕᤠ᤺ᤶᤒᤰᤜᤠ᤹ᤀᤥᤏᤢ ᤂᤢᤏᤧ᤹ ᤏᤠ᤺ᤶᤛᤡᤱᤗᤥ॥

ᤔᤧᤴᤇᤠᤶ ᤕᤠᤵᤔᤡᤴ ᤏᤢ ᤁᤢᤔᤣ᤺ᤳᤋᤡᤴ ᤏᤧᤵᤔᤠᤱ ᤗᤧᤰᤆᤠ᤹ᤒᤢᤎᤢᤰ ᤘᤕᤧᤇᤡ. ᤜᤧᤰᤁᤩᤠᤱ ᤔᤧᤏᤢ᤺ᤴᤍᤧᤇᤡᤴ॥