Versets bíblics populars de Maraco 11

Comparteix

Narraroa ouatti: Deoza uati tiquenezape tibodideniza: “Rrehe, Deopa nema inananiuarrine parrireui” tiquenezape ticcadeni uatinarra Deorrine narrarossa inananitoui, onarraro −naui nade Zeso.

Parrissehera tiadeniza uati onarraro: Madirrapa arrirraro ssonoza uati taza: “Ssono, titemeza ueni imehiza rraro tizanarri” nazapa ssono nema nanitoui. Pouapa rrehe nauissa taza poua bodi: “Parrissa torrapazerre? Noueranitide” narrarazapa Deorrine ssono rraro zananitoui, onarraro.

—Deoza uatide tiquerreneza naqui madirra tiadeniza uima inanaporrarotoui tibodideni uatozape: “Narraro uimaza ouati rrimana. Pouaza ouadi-rrerana” tiquenarri, onarraro. Nema tiquenezana ticcadeni Abi Deo memeuarri madirraripa ticcadeni uimasiriza uati rramauitoui.

Naraha Zeso pouadeniza uati tarrari: —Tibodideniza: “Deopa occa uatinarrassa inananiuarrine parrireui” tiquenarri.

Nazapa Zeso bazima mari icanabaqquirrari: —Deo Atti dozo naniza arrima narraro: “Occa ozape ouaza uati uati toquenauiuarrinecca oza tocarranitoui. Zama bazimacca madirra ouaza uatide rrarrauizima nauiuarrine” naponi nade Deo Atti dozo naniza. Naraha tiadenipe madirra titicamaiza-baqquimana naza tirrinedenia pina bobotidedenicca quequeriqqui ozassa ticananemanarraro −naui nade Zeso.

Madirra bazima poua tezerrema rraui torrarra, poua nattiuarri rrauirronarra zanapomanarrari. Pouaza uatizemanaza uaua uaua zanapomanarrari: —Nirra, Deopa deni torraui, deni torraui! Ia Zozossede onima ccarronarrariza biquehera torrana, torrana! −zanapomanarrari.

—Pouapa icca idi tamine Dabi Potemaui bicabote! Ia Cacauade torrauiuarrine ccarronaui! Bica taui, bica taui! Memeuarri Deoza madimanarrarideni pouaza: “Deni tirrani!” quenana, quenana! −zanapomanaui nade.